Video: રાજકોટની કોર્ટે પુરાતત્વ વિભાગની ઓફિસ જપ્ત કરવા કર્યો આદેશ, ખેડૂતોને વળતર ચૂકવવામાં નિષ્ફળ જતાં લેવાયા પગલા

ગુજરાતના ઈતિહાસમાં પ્રથમવાર રાજકોટ સિવિલ કોર્ટે કેન્દ્ર સરકારના પુરાતત્વ વિભાગની ઓફિસ જપ્ત કરવાનો આદેશ આપ્યો છે. કચ્છના ધોળાવીરામાં ૯ ખેડૂતોની ૧૨૫ એકર જમીન સંપાદન કર્યા બાદ વળતર ચૂકવવામાં નિષ્ફળ રહેતા આ કડક નિર્ણય લેવાયો છે. વર્ષ ૨૦૦૫થી ચાલી રહેલા આ વિવાદમાં વારંવાર કોર્ટના આદેશ છતાં વળતર ન અપાતા આખરે જપ્તીનો હુકમ થયો છે. અગાઉ હાઈકોર્ટે પણ આ મામલે જવાબદાર અધિકારીને એક લાખનો દંડ ફટકાર્યો હતો.