VIDEO: લાયસન્સિંગ એજન્ટ તરીકે છેતરપિંડી આચરનાર આરોપીની પોલીસે કરી ધરપકડ

એક સમયે ટ્રક ડ્રાઈવર અને પથ્થરની ખાણમાં મજૂરી કરનાર વ્યક્તિ કરોડો રૂપિયાની છેતરપિંડીનો મુખ્ય આરોપી બની ગયો છે. લાયસન્સિંગ એજન્ટ તરીકે ઓળખ આપી સરકારી વિભાગોમાં ઓળખાણ હોવાનો દાવો કરી લોકોને છેતરનાર આ દંપતીને અમદાવાદ આર્થિક ગુના નિવારણ શાખાએ ઝડપી લીધો છે. તપાસમાં આરોપીના થલતેજ બેંક લોકરમાંથી સાડા ચાર કિલો સોનું, 837 ગ્રામ ચાંદી સહિત કુલ 6 કરોડ 30 લાખ રૂપિયાની મિલકત જપ્ત કરાઈ છે. લોકરમાંથી પણ કરોડોના દાગીના અને 33 વીમા પોલિસીઓ મળી આવી છે. વિજાપુરના એક વેપારી પાસેથી કેનેડા છેતરપિંડીના પૈસા પાછા અપાવવાના બહાને 2 કરોડ 27 લાખ રૂપિયા પડાવ્યા હતા. પોલીસ વધુ બેનામી મિલકતોની તપાસ કરી રહી છે.