Panchmahal: બે શખ્સોએ દારુના નશામાં ધૂત થઈ ગોધરા APMC માર્કેટમાં કર્યો હોબાળો
છેલ્લું અપડેટ : 25 Nov 2025
પંચમહાલ જિલ્લાના ગોધરા APMC માર્કેટમાં તાજેતરમાં એક ચોંકાવનારો બનાવ સામે આવ્યો છે, જ્યાં દારૂના નશામાં ધૂત બે શખ્સોએ સ્થાનિક વેપારીઓને હેરાનગતિ કરી હતી. આ ઘટનાનો વિડિયો સોશિયલ મીડિયા પર વાયરલ થતાં સમગ્ર માર્કેટ યાર્ડમાં ચકચાર મચી ગઈ છે.
કાર પર પોલીસની નેમ પ્લેટ લગાવેલી હોવાના કારણે વેપારીઓમાં વધુ આશ્ચર્ય અને શંકા ફેલાઈ છે કે આ બે શખ્સો અસલી પોલીસકર્મી હતા કે કોઈ નકલી પોલીસકર્મી કે પછી કોઈ દાદાગીરીબાજ હતા. ત્યારે આ મુદ્દો હાલમાં તપાસનો વિષય બન્યો છે.
દારૂના નશામાં ધૂત આ બંને શખ્સોએ માર્કેટમાં આવીને વેપારીઓ સાથે માથાકૂટ અને દાદાગીરી શરૂ કરી હતી. જોકે, તેમના વર્તનથી કંટાળીને સ્થાનિક વેપારીઓએ જ એકઠા થઈને આ બંને શખ્સોનો ઉધડો લીધો હતો. સ્થાનિક વેપારીઓએ જણાવ્યું હતું કે, "બંને શખ્સો નશાની હાલતમાં હતા અને માર્કેટમાં અંદર આવીને દાદાગીરી કરવા લાગ્યા હતા.
