VIDEO: નવા શૈક્ષણિક સત્રનો પ્રારંભ, પરંતુ બજારમાંથી પાઠ્યપુસ્તકો જ ગાયબ!

અમદાવાદમાં આજથી નવા શૈક્ષણિક સત્રનો પ્રારંભ થયો છે, પરંતુ શિક્ષણ વિભાગની ગંભીર બેદરકારીને કારણે બજારમાંથી પાઠ્યપુસ્તકો ગાયબ છે. ગુજરાતી માધ્યમના ધોરણ 1 થી 8 ના 50% પુસ્તકો અને ધોરણ 9 થી 12ના પુસ્તકો ઉપલબ્ધ નથી, જ્યારે અંગ્રેજી માધ્યમની સ્થિતિ વધુ ખરાબ છે.

વાલી મંડળના આક્ષેપ મુજબ, SC, ST અને ટ્રાયબલ વિદ્યાર્થીઓને અપાતા મફત પુસ્તકો હજુ છપાયા જ નથી. ફેબ્રુઆરીમાં કાગળના ભાવ ઓછા હોવા છતાં ટેન્ડર રદ કરાયું હતું અને છેક મે મહિનામાં ઊંચા ભાવે કોન્ટ્રાક્ટ મંજૂર થયો. આ વહીવટી વિલંબને કારણે લાખો વિદ્યાર્થીઓ પુસ્તકો વિના અભ્યાસ કરવા મજબૂર બન્યા છે.