VIDEO : ધોરાજીમાં તંત્રની બેદરકારી: પાઇપલાઇનમાં ભંગાણથી હજારો લીટર પાણીનો વેડફાટ

રાજકોટ જિલ્લાના ધોરાજીમાં ભરઉનાળે નગરપાલિકાની બેદરકારી સામે આવી છે. ધોરાજીના ચમલીપા વિસ્તારમાંથી પસાર થતી પીવાના પાણીની મુખ્ય પાઇપલાઇનમાં મોટું ભંગાણ સર્જાયું છે. આ લીકેજના કારણે હજારો લીટર પીવાનું શુદ્ધ પાણી રસ્તાઓ પર વહી ગયું હતું, જેને પગલે માર્ગો પર જાણે નદીઓ વહેતી હોય તેવા દ્રશ્યો સર્જાયા હતા. સ્થાનિક લોકોમાં તંત્ર સામે ભારે રોષ જોવા મળી રહ્યો છે, કારણ કે શહેરમાં એક તરફ લોકોને ૫ થી ૬ દિવસે માંડ પાણી વિતરણ કરવામાં આવે છે, જ્યારે બીજી તરફ તંત્રની ઘોર બેદરકારીને લીધે કિંમતી પાણીનો આ પ્રકારે વેડફાટ થઈ રહ્યો છે.