Video: સુરેન્દ્રનગરના સોલડી ગામે મેડિકલ વેસ્ટ કંપની સામે આંદોલન ઉગ્ર, તંત્રને 24 કલાકનું અલ્ટીમેટમ
સુરેન્દ્રનગર જિલ્લાના ધ્રાંગધ્રા તાલુકાના સોલડી ગામે મેડિકલ વેસ્ટ કંપનીના વિરોધમાં ચાલી રહેલું આંદોલન હવે વધુ ઉગ્ર બન્યું છે. કંપની સામેના આ વિરોધ મામલે ગ્રામજનો છેલ્લા છ દિવસથી સતત ભૂખ હડતાળ પર બેઠા છે, અને ગઇકાલે મોડી રાત્રે એક આંદોલનકારીની તબિયત પણ લથડી હતી. આ સ્થિતિ વચ્ચે સોલડી ગામના સરપંચે તંત્રને 24 કલાકનું અલ્ટીમેટમ આપ્યું છે. જો આ સમયગાળામાં તંત્ર દ્વારા કોઈ યોગ્ય નિર્ણય લેવામાં નહીં આવે, તો ગ્રામજનો હાઈવે ચક્કાજામ અને જેલભરો આંદોલન કરવાની ચીમકી ઉચ્ચારી છે.
