Mehsana/ માર્ગ અને મકાન વિભાગના Dy. E.E. પાસે આવક કરતાં વધુ સંપત્તિ, ACB દ્વારા તપાસ શરૂ
છેલ્લું અપડેટ : 15 Nov 2025
મહેસાણા લાંચ રૂશ્વત બ્યુરો (ACB) એ ભ્રષ્ટાચાર વિરુદ્ધ કડક કાર્યવાહી કરતાં માર્ગ અને મકાન વિભાગના નાયબ કાર્યપાલક અધિકારી સામે ગુનો નોંધ્યો છે. આ અધિકારી વિરુદ્ધ તેમના કાયદેસરના આવકના સ્રોત કરતાં વધુ મિલકત (અપ્રમાણસર મિલકત) મળી આવતાં ફરિયાદ દાખલ કરવામાં આવી છે.
₹ 37 લાખથી વધુની અપ્રમાણસર મિલકત
ACB દ્વારા નાયબ કાર્યપાલક અધિકારી ડી.આર. પટેલ સામે આ ગુનો દાખલ કરવામાં આવ્યો છે. ACB દ્વારા 31/12/2022 સુધીના સમયગાળાની તપાસ કરવામાં આવી હતી, જેમાં ચોંકાવનારો ખુલાસો થયો છે.
તપાસ દરમિયાન અધિકારી ડી.આર. પટેલ પાસે તેમની કાયદેસરની આવકના સ્રોત કરતાં ₹ 37,05,517 (રૂપિયા સાડત્રીસ લાખ પાંચ હજાર પાંચસો સત્તર)ની અપ્રમાણસર મિલકત મળી આવી હતી.
આ અંગે મહેસાણા ACB પોલીસ ઇન્સ્પેક્ટર એસ.ડી. ચાવડા દ્વારા ફરિયાદ નોંધાવવામાં આવી છે. ACB એ હવે આ અપ્રમાણસર મિલકત ક્યાંથી અને કેવી રીતે એકઠી કરવામાં આવી, તે અંગે વધુ ઊંડાણપૂર્વકની તપાસ હાથ ધરી છે.