Kutch news: મુન્દ્રા પોર્ટ પરથી 14 ટન પ્રતિબંધિત દવાઓનો જપ્ત, કન્ટેનર પરત મંગાવી કરાઈ સઘન તપાસ

કચ્છના મુન્દ્રા પોર્ટ પર કસ્ટમ વિભાગે 14 ટન પ્રતિબંધિત ટ્રામાડોલ ટેબલેટ જપ્ત કર્યો છે. તપાસ દરમિયાન શંકાસ્પદ કન્ટેનરમાંથી 36 મોટા બોક્સ ઝડપાતા સુરક્ષા એજન્સીઓએ વધુ તપાસ હાથ ધરી છે. આ પ્રતિબંધિત દવાઓનો જથ્થો દિલ્હીના એક્સપોર્ટર દ્વારા મોકલાયેલો હતો. કન્ટેનર પરત મંગાવી સઘન તપાસ કરાતા આ ગેરકાયદેસર વ્યવહારનો પર્દાફાશ થયો છે.

અગાઉ પણ પ્રતિબંધિત દવાઓ કરાઈ હતી જપ્ત

મુન્દ્રા પોર્ટ પર આ પ્રકારની પ્રથમ ઘટના નથી. અગાઉ રાજકોટના એક એક્સપોર્ટર દ્વારા આ જ પ્રકારે પ્રતિબંધિત દવાઓ મોકલવાનો પ્રયાસ કરવામાં આવ્યો હતો. જેને સુરક્ષા એજન્સીઓએ નિષ્ફળ બનાવ્યો હતો. હાલમાં કસ્ટમ્સ વિભાગ દ્વારા સમગ્ર જથ્થો જપ્ત કરી લેવામાં આવ્યો છે અને રેકેટ પાછળ અન્ય કયા મોટા માથાઓ સંડોવાયેલા છે તે દિશામાં તપાસ તેજ કરવામાં આવી છે.