Surat news: રત્ન કલાકારે ધાબા પરથી પડતું મૂકી જીવન ટૂંકાવ્યું, 6 મહિનાની બેરોજગારીથી કંટાળી ભર્યું અંતિમ પગલું

સુરતના કાપોદ્રા વિસ્તારમાં રત્ન કલાકારે એપાર્ટમેન્ટ ઉપરથી પડતુ મૂકી આપઘાત કર્યો છે. રત્ન કલાકાર છેલ્લા 6 મહિનાથી બેરોજગાર હતા અને છેલ્લા ઘણા સમયથી બીમારીથી પણ કંટાળેલા હતા. કાપોદ્રા પોલીસે આ અંગે વધુ તપાસ હાથ ધરી છે. 

રત્ન કલાકાર છેલ્લા 6 મહિનાથી બેરોજગાર હતા

પ્રાપ્ત માહિતી મુજબ સુરતના કાપોદ્રા વિસ્તારમાં આવેલા હીરાબાગ નજીક તિરુપતિ એપાર્ટમેન્ટમાં રહેતા રત્ન કલાકારે એપાર્ટમેન્ટ ઉપરથી પડતુ મૂકી આત્મહત્યા કરી લેતા ચકચાર મચી છે. રત્ન કલાકાર છેલ્લા 6 મહિનાથી બેરોજગાર હતા અને છેલ્લા ઘણા સમયથી બીમારીથી પણ કંટાળેલા હતા, જે બાદ તેઓએ આ અંતિમ પગલું ભર્યું છે. પોલીસ  પરિવારજનોના નિવેદનો નોંધીને આ અંગે વધુ તપાસ આદરી છે.