NAVRATRI 2024 : જામનગરમાં બાળાઓ માથે સળગતી ઈંઢોણી મુકીને રાસ રમી, જુઓ વીડિયો

જામનગરમાં અનેક પ્રાચીન ગરબીઓ પોતપોતાની આગવી ઓળખ ધરાવે છે. કડીયાવાડ વિસ્તારમાં શ્રીરાંદલ અંબિકા ગરબી મંડળની ગરબીમાં બાળાઓનો સળગતી ઈંઢોણી સાથેનો રાસ ખૂબ જ લોકપ્રિય છે. તાલીમબદ્ધ બાળાઓ માથા ઉપર સળગતી ઈંઢોણી લઈ ગરબે ઘૂમે છે ત્યારે જાણે અગ્નિના તેજરૂપે માતાજીએ બાળાઓ પર આશિષ છત્ર બનાવ્યું હોય એવું પ્રતિત થાય છે. આ જ ગરબીમાં ભાઈઓ પણ તલવાર રાસ તેમજ અંગારા રાસ રમીને ભક્તિ સાથે વીરતાના ગુણને પ્રગટ કરી ઈશ્વર આરાધના શૂરવીરનું કાર્ય છે એ વાતને ચરિતાર્થ કરે છે. આ સળગતી ઈંઢોણી સાથેના તથા અંગારા રાસ નિહાળવા ગરબીમાં મોટી સંખ્યામાં લોકો ઉમટ્યા હતાં. જુઓ આ વીડિયો -