Indian Railways: ગાંધીનગર–વારાણસી ટ્રેન હવે 'બનારસ' સ્ટેશન જશે: રેલવેએ ટર્મિનલ સ્ટેશન બદલ્યું, જાણો નવો સમય અને વિગતો

Indian Railways:  પશ્ચિમ રેલવે અને ઉત્તર-પૂર્વ રેલવે દ્વારા મુસાફરો માટે એક મહત્વની જાહેરાત કરવામાં આવી છે. ગુજરાતના પાટનગર ગાંધીનગર અને ધાર્મિક નગરી વારાણસી વચ્ચે ચાલતી ગાંધીનગર કેપિટલ–વારાણસી સાપ્તાહિક સુપરફાસ્ટ એક્સપ્રેસ ના ટર્મિનલ સ્ટેશનમાં કાયમી ફેરફાર કરવાનો નિર્ણય લેવામાં આવ્યો છે. આગામી 5 માર્ચ  થી આ ટ્રેન હવે વારાણસી (BSB) જંક્શનને બદલે તેના નજીકના બનારસ (BNRS) સ્ટેશન સુધી જશે.

કેમ લેવાયો આ નિર્ણય?
રેલવે સૂત્રોના જણાવ્યા અનુસાર, વારાણસી જંક્શન (Cantt) પર વધતા જતા ટ્રેન ટ્રાફિક અને પ્લેટફોર્મની વ્યસ્તતાને હળવી કરવા માટે આ ફેરફાર કરવામાં આવ્યો છે. આ નિર્ણયથી ટ્રેનનું મેન્ટેનન્સ અને સમયપાલન વધુ સુદ્રઢ બનશે.

નવા ફેરફારની સંપૂર્ણ વિગતો:
યાત્રીઓએ ખાસ નોંધ લેવી કે ટર્મિનલ સ્ટેશન બદલાવાને કારણે ટ્રેન નંબર અને સમયમાં નીચે મુજબ ફેરફાર થશે: 

મુસાફરો માટે મહત્વની સૂચના:
અન્ય સ્ટેશનો: ગાંધીનગર કેપિટલ અને લોહતા સ્ટેશન વચ્ચેના તમામ સ્ટોપેજ અને સમયપત્રકમાં કોઈ જ ફેરફાર કરવામાં આવ્યો નથી. ટ્રેન તેના નિર્ધારિત રૂટ મુજબ જ દોડશે.

ટિકિટ બુકિંગ: જે મુસાફરોએ અગાઉથી વારાણસી (BSB) સુધીની ટિકિટ બુક કરાવી છે, તેમણે હવે આ ટ્રેનમાં મુસાફરી કરતી વખતે બનારસ (BNRS) સ્ટેશને ઉતરવાનું રહેશે.

વધારે માહિતી: ટ્રેનના સ્ટોપેજ, કોચ કમ્પોઝિશન અને લેટેસ્ટ અપડેટ માટે મુસાફરો રેલવેની સત્તાવાર વેબસાઇટ www.enquiry.indianrail.gov.in અથવા NTES App નો ઉપયોગ કરી શકે છે.

બનારસ સ્ટેશન (જે અગાઉ મંડુઆડીહ તરીકે ઓળખાતું હતું) અત્યાધુનિક સુવિધાઓથી સજ્જ છે અને વારાણસીના મુખ્ય વિસ્તારોથી ઘણું નજીક છે, જેથી મુસાફરોને શહેરના આંતરિક ભાગમાં પહોંચવામાં કોઈ મુશ્કેલી પડશે નહીં.