રાજકોટમાં ભાજપના કાર્યકરે ગ્રુપમાં અશ્લિલ વીડિયો અપલોડ કરતા બબાલ, મહિલા સદસ્યો અને મહિલા મેયર લેફ્ટ થયા 

શિસ્તબદ્ધ પાર્ટી તરીકે ઓળખાવતા ભાજપના ગ્રૂપાં અશ્લિલ વીડિયો મુકાતાં રાજકોટમાં ચકચાર મચી છે. રાજકોટ શહેર ભાજપના વોર્ડ નંબર 4 ના કિસાન મોરચાના ગ્રુપમાં અશ્લીલ વીડિયો મૂકતા બબાલ મચી ગઈ છે. ભાજપના કાર્યકરે મહિલા મેયર જે ગ્રુપમાં છે તેમાં ભૂલથી અલગ અલગ 6 પોર્ન વીડિયો સેન્ડ કર્યા હતા. જેને પગલે મહિલા મેયર સહિત ભાજપના આગેવાનો શરમજનક સ્થિતિમાં મુકાયા હતાં અને આ વીડિયોના સ્ક્રીન શોટ થોડી જ વારમાં મીડિયા તેમજ અન્ય ગ્રુપમાં પોસ્ટ થઈ જતાં આ મામલે ભારે ચકચાર મચી છે. 

રાજકોટના ભાજપના વોર્ડ નં.4ના 68 વિધાનસભા કિશાન મોરચાના હોદ્દેદારોના આ ગ્રુપમાં મનિષ પરસાણા નામના કાર્યકરના મોબાઈલમાંથી ભૂલથી અશ્લિલ વીડિયો સેન્ડ થઈ જતાં ભારે દેકારો મચી ગયો હતો અને આ ગ્રુપમાં મેયર સહિતના પદાધિકારીઓ પણ હોય વીડિયો સેન્ડ થવાથી હોદ્દેદારો શરમથી પાણી પાણી થઈ ગયા હતાં. શહેર પ્રમુખે કાર્યકરને ઠપકો આપતા વીડિયો રીમુવ કરવામાં આવ્યા હતા. શહેર ભાજપ પ્રમુખે આ સમગ્ર મામલે તપાસ અને કાર્યવાહીની ખાતરી આપી હતી.  

અગાઉ સુરત તેમજ ભચાઉના ભાજપના વોટસએપ ગ્રુપમાં આવા અશ્લિલ વીડિયો વાયરલ થયાના સમાચારો અગાઉ મીડિયામાં આવી ચુકયા છે. ભાજપના જ કાર્યકરે આ વીડિયો ગ્રુપમાં મુકતા ગ્રુપના સભ્યો ભડકયા હતાં અને આ સભ્યને ગ્રુપમાંથી રિમુવ કરવા માટે ગ્રુપના એડમીનને રજૂઆત કરવામાં આવી હતી. મહિલા સદસ્યો અને મહિલા મેયર ગ્રુપમાંથી ફટાફટ લેફ્ટ થઈ ગયા.