ધોરણ 7થી 12ના વિદ્યાર્થીઓની રાષ્ટ્રીય સ્તરે ક્ષમતા ચકાસવા યોજાશે પરીક્ષા, ટોપરને અપાશે સ્કોલરશીપ

સુરત સહિત દેશભરના ધોરણ 7થી 12 સુધીના વિદ્યાર્થીઓ માટે એન્થે સ્કોલરશીપ પરીક્ષા યોજાશે. 19થી 27ઓક્ટોબર દરમિયાન યોજાનારી આ પરીક્ષા ઓનલાઈન અને ઓફલાઈન એમ બે પ્રકારે યોજાશે. આ પરીક્ષામાં દેશભરમાંથી 10 લાખથી વધુ સ્ટુડન્ટ ભાગ લેવાના છે. ત્યારે આ પરીક્ષામાં સફળતા મેળવનારા વિદ્યાર્થીઓને સર્ટિફિકેટની સાથે સાથે અભ્યાસ માટે સ્કોલરશીપ સહિતના પ્રાઈઝ આપવામાં આવશે. 

આકાશના હિમાંશુ પુરોહિતે કહ્યુ કે, આ પરીક્ષા બાદ પાંચ વિદ્યાર્થીઓ કેનેડી સ્પેસ સેન્ટર, ફ્લોરિડા, યુએસએની 5-દિવસના તમામ ખર્ચની ચૂકવણીની સફર જીતશે.ગત વર્ષે 11.8 લાખથી વધુ વિદ્યાર્થીઓએ પરીક્ષા આપી હતી. ત્યારે આ વર્ષે પણ તેનાથી વધુ વિદ્યાર્થીઓ પરીક્ષા આપશે તે પ્રમાણેની વ્યવસ્થા કરવામાં આવી છે. 

વિદ્યાર્થીઓને 1 કલાકની પરીક્ષા આપવાની રહેશે. જે ધોરણમાં તેઓ અભ્યાસ કરે છે. તે ધોરણના અભ્યાસક્રમ સુધીની જ પરીક્ષા આપવાની રહેશે. ઓનલાઈન અને ઓફલાઈન એમ બે મોડમાં પરીક્ષા આપી શકે છે. પરીક્ષા આપ્યા બાદ વિદ્યાર્થીઓને એનાલિસિસ પણ આપવામાં આવશે. હિન્દી, ગુજરાતી અને અંગ્રેજી એમ 3 માધ્યમમાં પરીક્ષા યોજાશે. આ પરીક્ષાથી વિદ્યાર્થી પોતાની જાતને ચકાશી શકશે.