VIDEO: Vadodara મનપામાં વિવાદ; નેતા અને દંડકને સરકારી કાર અને ડીઝલ ફાળવવા સામે વિપક્ષના આક્ષેપ

વડોદરા મહાનગરપાલિકામાં ભાજપના નેતા અને દંડકને કાર, ડ્રાઈવર, ડીઝલ અને ઓફિસ ફાળવવાના નિર્ણયને લઈને રાજકીય વિવાદ વકર્યો છે. વિપક્ષનો આક્ષેપ છે કે, જીપીએમસી (GPMC) એક્ટમાં આ બંને હોદ્દાઓ માટે આવી કોઈ જોગવાઈ જ નથી, છતાં પ્રજાના ટેક્સના નાણાંમાંથી આ સુવિધાઓ લહાણી કરવામાં આવી રહી છે. એક અંદાજ મુજબ, આ બંને હોદ્દેદારો પાછળ પાંચ વર્ષની ટર્મ દરમિયાન અંદાજે રૂપિયા ૧૭.૫૦ લાખથી વધુનો ખર્ચ થાય છે. એક તરફ સામાન્ય શહેરીજનો પ્રાથમિક સુવિધાઓ માટે સંઘર્ષ કરી રહ્યા છે, ત્યારે બીજી તરફ સત્તાધારી પક્ષ દ્વારા આવી સુવિધાઓનો વૈભવી ખર્ચ જનતાની તિજોરીમાંથી ઉઠાવવામાં આવતાં હવે તંત્ર સામે અનેક સવાલો ઊભા થયા છે.