આલે લે.., સુરત એરપોર્ટ પર એન્ટ્રી ગેટ બનાવ્યો પણ રસ્તો બનાવવાનું જ ભૂલી ગયા!
સુરત એરપોર્ટ પર 9.30 મિનિટ ડ્રોપ અપ ફ્રીની સેવાનો લાભ આપવાનાં પ્રયાસ તરીકે કાર્ગો ટર્મિનલમાં
સુરત એરપોર્ટ પર 9.30 મિનિટ ડ્રોપ અપ ફ્રીની સેવાનો લાભ આપવાનાં પ્રયાસ તરીકે કાર્ગો ટર્મિનલમાં અવરજવર કરતા વાહનોની એન્ટ્રી એકઝીટ નવા વર્ષથી અલગ કરવાનું નક્કી થયું છે. એ ઉપરાંત સુરત એરપોર્ટ પર વધતા પેસેન્જર ટ્રાફિકને પગલે સુરત એરપોર્ટનો એન્ટ્રી – એકઝિટ રોડ પર વાહનો માટે લેન વધારવા, રસ્તો વાઈડનિંગ કરવાનું નક્કી થયું છે.
એન્ટ્રી ગેટ બનાવ્યો
જાગૃત નાગરિકે એરપોર્ટ ઓથોરિટીનું ધ્યાન દોર્યું છે કે, રસ્તો વાઈડનિંગ કરી લેન વધારવી એ હંગામી ઉપાય છે, બાકી સુરત ઇન્ટરનેશનલ એરપોર્ટનાં માસ્ટર પ્લાન મુજબ એરપોર્ટનો એન્ટ્રી ગેટ અને રસ્તાની લેન બનાવવાનું કામ હજી બાકી છે. મૂળ માસ્ટર પ્લાનમાં એક વિશાળ એન્ટ્રી રોડ્સ અને એન્ટ્રી ગેટની જોગવાઈ કરવામાં આવી છે, એ મુજબ એન્ટ્રી ગેટ બન્યો નથી.આયોજનમાં ફરી એરપોર્ટ ઓથોરિટીની ઘોર બેદરકારી બહાર આવી છે. માસ્ટર પ્લાન મુજબ સુરત એરપોર્ટનો એન્ટ્રી ગેટ બનાવ્યો પણ રસ્તો બનાવવાનું ભૂલી જવાયું છે.
વહિવટી તંત્રએ કર્યો વિલંબ
એરપોર્ટ ઓથરિટીએ ડ્રેનેજ લાઈન બનાવી કાચી માટી નાંખી ગેટ બંધ કરી દીધો છે, એ ખોલી નવો એન્ટ્રી ગેટ બે થી ત્રણ લેન એન્ટ્રીનાં રસ્તા બનાવવાની જરૂર છે. જાગૃત નાગરિકે એરપોર્ટ ઓથોરિટીને વધતા ટ્રાફિક વચ્ચે એન્ટ્રી રોડ પ્લાન ભુલાઈ ગયો હોવાની યાદ અપાવી કામ શરૂ કરાવવા માંગ કરી છે. સુરત ઈન્ટરનેશનલ એરપોર્ટ નવી ઊંચાઈઓ પર પહોંચવા માટે તૈયાર છે, પરંતુ ઈન્ફ્રાસ્ટ્રક્ચર પ્લાનિંગમાં આવી ઘોર બેદરકારી તેની પાંખો કાપી શકે છે. એરપોર્ટની સરળ કામગીરી અને લાંબા ગાળાની વૃદ્ધિ સુનિશ્ચિત કરવા માટે વહીવટીતંત્રએ વિલંબ કર્યા વિના મુખ્ય પ્રવેશ દ્વાર બનાવવાના કામને પ્રાથમિકતા આપવી જોઈએ.
એન્ટ્રી અને એકઝિટ ગેટ જુદા રાખવા જરૂરી
સુરત ઇન્ટરનેશનલ એરપોર્ટ, 30 ડિસેમ્બરે, 7,168 ઉપલબ્ધ સીટોમાંથી 75% લોડ ફેક્ટર સાથે 5,343 મુસાફરોને સમાવીને, એક જ દિવસમાં 40 ફ્લાઇટ્સ ઓપરેટ કરીને એક માઇલસ્ટોન હાંસલ કર્યો છે. જ્યારે આ સિદ્ધિ એરપોર્ટના વિકાસના માર્ગને દર્શાવે છે, ત્યારે સ્પષ્ટ માળખાકીય બેદરકારી પ્રકાશમાં આવી છે, જે તેની પ્રાદેશિક ઉડ્ડયન હબ બનવાની સંભાવનાને જોખમમાં મૂકે છે.
મૂળભૂત પ્રશ્નો ઉભા કરે
એરપોર્ટ 2030-32 સુધીમાં 25 લાખ વાર્ષિક પેસેન્જર ફૂટફોલનું મહત્ત્વાકાંક્ષી છે, તેનું ઇન્ફ્રાસ્ટ્રક્ચર ભયંકર રીતે અપૂરતું સાબિત થઈ રહ્યું છે, જે પ્રવેશ અને બહાર નીકળવાના રસ્તાઓ જેવા મૂળભૂત છતાં મહત્વપૂર્ણ પ્રશ્નો ઊભા કરે છે. આશ્ચર્યજનક રીતે, એરપોર્ટ પ્રશાસને મુખ્ય પ્રવેશ માર્ગ અને ગેટ નિર્માણને અમલમાં મૂકવાની સંપૂર્ણ અવગણના કરી છે, જે મૂળ માસ્ટર પ્લાનનો ભાગ હતો. વર્તમાન સેટઅપ એન્ટ્રી અને એક્ઝિટ બંને ટ્રાફિકને મુખ્ય દ્વાર દ્વારા સમાન સાંકડા રસ્તાને વહેંચવા માટે દબાણ કરે છે, જેના પરિણામે વારંવાર ટ્રાફિક જામ અને ઓપરેશનલ અરાજકતા સર્જાય છે.
ટ્રાફિકની સમસ્યા પાર્કિંગ કોન્ટ્રાકટરની કમાણી
ઓટોમેટેડ બૂમ-ગેટ પાર્કિંગ મેનેજમેન્ટ સિસ્ટમની રજૂઆત કરવામાં આવી છે, જેનો અર્થ વાહનની અવરજવરને સુવ્યવસ્થિત કરવાનો છે, જો કે તેના બદલે સમસ્યામાં વધારો થયો છે. અપૂરતી એક્ઝિટ લેનને કારણે ડ્રોપ-ઓફ અને પિક-અપ માટે 9-મિનિટની ફ્રી પેસેજ વિંડોમાં વાહનો બહાર નીકળવા માટે સંઘર્ષ કરે છે.
ફ્રી ડ્રેનેજ લાઇન પણ કામ ન કર્યુ
એરપોર્ટ ઓથોરિટી ઓફ ઇન્ડિયાએ મેઈન એન્ટ્રી માટે SMC પાસે ફ્રી ડ્રેનેજ લાઇન નંખાવી, પૂર્ણ માટે માટી પણ પથરાવી લોખંડનો ગેટ એન્ટ્રી પર મૂકી અંદરથી તાળું મારી દીધું હતું. એરપોર્ટ તંત્રએ પાલિકા પાસે લાખો, કરોડોનું કામ મફતમાં કરાવી પોતાનો ઉલ્લુ સીધો કરી લીધો હતો. પણ પોતે સુરત એરપોર્ટની મેઈન એન્ટ્રી, એના રોડની લેન અને ગેટ બનાવવાનું કામ અભરાઈએ ચઢાવી દીધું.
