VIDEO Breaking : Mehsana ફેમિલી કોર્ટમાં ગાયિકા કાજલ મહેરિયાના નામે બોગસ ડિવોર્સ અરજી

લોકગાયિકા કાજલ મહેરિયાના નામે મહેસાણા ફેમિલી કોર્ટમાં છૂટાછેડાની નકલી અરજી દાખલ થઈ છે. કાજલ મહેરિયા અને તેના પતિ અલ્પેશ ઠાકોરને જ્યારે કોર્ટ તરફથી સત્તાવાર નોટિસ મળી, ત્યારે આ સમગ્ર બોગસ કૌભાંડનો ભાંડો ફૂટ્યો હતો.આ ઘટનામાં જે વકીલોના નામ અરજીમાં દર્શાવવામાં આવ્યા હતા, તેમણે પણ કોર્ટમાં હાજર થઈને સ્પષ્ટ ખુલાસો કર્યો છે કે આ અરજીમાં તેમની કોઈ સહી નથી. કોઈ અજ્ઞાત શખ્સે વકીલના સનદ નંબરનો ગેરકાયદેસર ઉપયોગ કરીને આ કૂટનીતિ રચી હતી. એટલું જ નહીં, આ નકલી અરજીમાં કાજલ છેલ્લા ૧૨ મહિનાથી પોતાના પિયરમાં રહેતી હોવાનો તદ્દન ખોટો દાવો પણ કરવામાં આવ્યો હતો.આ મામલાને પગલે કાજલ મહેરિયાના વકીલે કોર્ટના રજિસ્ટ્રાર સમક્ષ લેખિત રજૂઆત કરીને આ કાવતરા પાછળ કયા તત્વો જવાબદાર છે તેની ઊંડી તપાસ કરવાની ઉગ્ર માંગ કરી છે.