અમરેલીમાં ભાજપ નેતાનું મગફળીના ટેકા ભાવ મામલે ચર્ચાસ્પદ ટ્વિટ, જાણો શું કહ્યું

અમરેલી ભાજપના નેતા ડો.ભરતભાઇ કાનાબારે મગફળીના ભાવ મામલે સોશિયલ મીડિયા એક્સ પર  ટ્વીટ કર્યું છે. તેમણે જણાવ્યું કે, આ વર્ષે ગુજરાત સરકારે મગફળી માટે નક્કી કરેલા ટેકા ના ભાવ અને બજારના ભાવ વચ્ચે રૂપિયા 250થી લઈ રૂપિયા 350 સુધી તફાવત હતો. આ ભાવફેરનો ફાયદો લેવા માટે મોટાભાગના માર્કેટયાર્ડમાં વેપારીઓ ખરીદી સાથે જોડાયેલા અધિકારીઓ અને ટોળકીઓ સક્રિય હતી.

જેમણે મગફળીનું વાવેતર ના કર્યું હોય તેવા ખેડૂતોની જમીનના 7/12 રજૂ કરી બજારમાંથી નીચા ભાવે નબળી કક્ષાની સીંગ ખરીદી ટેકાના ભાવે ધાબડી દીધી. ધિકકાર છે એ અધિકારીઓને જેમણે તેમને જે પગાર ચૂકવે છે એ સરકાર સાથે છેતરપિંડી કરી. ફટ છે એ વેપારીઓને જેમણે કોકના 7/12 બતાવી બજારમાંથી ખરીદેલ શીંગ ટેકાના ભાવે પધરાવી દીધી.