ઇન્ડિગોની એરલાઇન્સની ગોવા-સુરત-બેંગ્લોરની ફ્લાઇટ સાથે પક્ષી અથડાતા ફ્લાઈટ ગ્રાઉન્ડેડ, 200 પેસેન્જર અટવાયા
સુરત ઇન્ટરનેશનલ એરપોર્ટ ખાતે ઈન્ડિગોની ફ્લાઈટને બર્ડ હિટ નડતા પ્લેનને ગ્રાઉન્ડેડ કરી દેવામાં આવ્ય
સુરત ઇન્ટરનેશનલ એરપોર્ટ ખાતે ઈન્ડિગોની ફ્લાઈટને બર્ડ હિટ નડતા પ્લેનને ગ્રાઉન્ડેડ કરી દેવામાં આવ્યું છે. ઇન્ડિગો એરલાઇન્સે બેંગ્લોરની ફ્લાઇટ કેન્સલ કરી હતી. જેથી 200 પેસેન્જરોનો પ્રવાસ બગડ્યો હતો. પેસેન્જરોએ રોષ વ્યક્ત કર્યો હતો. જે ફ્લાઇટના ચેકિંગ માટે દિલ્હીથી ઇન્ડિગોની ઇજનેરોની ટીમ મોડી રાતે સુરત પહોંચી હતી.
પક્ષી અથડાયું હતું
સુરત ઇન્ટરનેશનલ એરપોર્ટ ખાતે આજે ઇન્ડિગોની એરલાઇન્સની ગોવા-સુરત-બેંગ્લોરની ફ્લાઇટ સાથે પક્ષી અથડાયું હતું. આ બર્ડ હિટની ઘટનામાં પ્લેનને નુકસાન પહોંચ્યું હોવાથી ગ્રાઉન્ડડેડ કરી દેવામાં આવ્યું હતું. ફ્લાઇટના ચેકિંગ માટે દિલ્હીથી ઇન્ડિગોની ઇજનેરોની ટીમ મોડી રાતે સુરત પહોંચી હતી.
પેસેન્જરોનો પ્રવાસ બગડ્યો
ઇન્ડિગો એરલાઇન્સે બેંગ્લોરની ફ્લાઇટ કેન્સલ કરી હતી. જેને કારણે 200 પેસેન્જરોનો પ્રવાસ બગડ્યો હતો. પેસન્જરોને રિફંડ અને સવારની ફલાઇટમાં ટિકિટ આપવાની જાહેરાત કરી હતી. બેંગ્લોરની ફ્લાઇટ કેન્સલ થવાના કારણે રોષનો માહોલ છવાઈ ગયો હતો. સુરતથી બેંગલોરની ફલાઇટને ઇન્ડિગો દ્વારા સવારે 8 વાગ્યામાં રિશિડ્યુલ કરી છે. ઇન્ડિગો એરલાઇન્સ દ્વારા પેસેન્જરને બે ઓપ્શન આપવામાં આવ્યા છે ક્યાતો તમે ફૂલ રિફંડ લઈ લો અથવા સવારની રિશિડ્યુલ ફલાઇટમાં જઈ શકશે.
