Video: ભરૂચ કોંગ્રેસમાં આંતરિક વિવાદ

ભરૂચ જિલ્લા કોંગ્રેસ કાર્યાલય ખાતે યોજાયેલી બેઠક દરમિયાન પક્ષના હોદ્દેદારો વચ્ચે આંતરિક વિવાદ સર્જાયો હોવાનો કિસ્સો સામે આવ્યો છે. બેઠક દરમિયાન શહેર પ્રમુખ સલીમ અમદાવાદીએ જિલ્લા મહિલા પ્રમુખને ગાળો ભાંડી ધમકી આપી હોવાનો આક્ષેપ કરવામાં આવ્યો છે. આ મામલે મહિલા મોરચાનાં પ્રમુખ જ્યોતિબેન તડવીએ શહેર પ્રમુખ સલીમ અમદાવાદી સામે પોલીસમાં અરજી કરી છે. કોંગ્રેસ કાર્યાલયમાં જ પક્ષના હોદ્દેદારો વચ્ચે થયેલા વિવાદને પગલે રાજકીય વર્તુળોમાં ચર્ચા શરૂ થઈ છે. જોકે, આક્ષેપો અંગે શહેર પ્રમુખનો પક્ષ અને પોલીસની આગળની કાર્યવાહી અંગેની વિગતો સામે આવવાની બાકી છે.