Video: ભાવનગર-સોમનાથ હાઈવે પર રાજુલાના દાતાર પાસે તુફાન ગાડીની અડફેટે રાહદારીનું ઘટનાસ્થળે મોત

અમરેલીના રાજુલા સ્થિત દાતાર પાસે ભાવનગર-સોમનાથ નેશનલ હાઈવે પર ગંભીર અકસ્માત સર્જાયો હતો. સોમનાથ તરફથી આવી રહેલી એક તુફાન ગાડીએ રસ્તો ઓળંગી રહેલા અથવા ચાલી રહેલા એક રાહદારીને જોરદાર ટક્કર મારી હતી, જેના કારણે રાહદારીનું ઘટનાસ્થળે જ કરૂણ મોત નીપજ્યું હતું. પ્રાથમિક તપાસમાં અકસ્માત સર્જનાર તુફાન ગાડી નડિયાદની હોવાનું સામે આવ્યું છે. ઘટનાની જાણ થતા જ 112 પોલીસ વાન અને 108 એમ્બ્યુલન્સની ટીમ તાત્કાલિક ઘટનાસ્થળે દોડી આવી હતી અને મૃતકની ઓળખ મેળવવા પોલીસે વધુ તપાસ હાથ ધરી છે.
જાહેરાત






