Video: રાજુલામાં હિંડોરણા બ્રિજ પાસે ભંગારના ગોડાઉનમાં લાગેલી આગ પર ફાયર ટીમે મેળવ્યો કાબૂ

અમરેલીના રાજુલા ખાતે આવેલા હિંડોરણા બ્રિજ પાસે એક ભંગારના ગોડાઉનમાં વહેલી સવારે ભીષણ આગ લાગવાની ઘટના સામે આવી છે. વહેલી સવારે લાગેલી આ આગે જોતજોતામાં જ ખૂબ જ વિકરાળ સ્વરૂપ ધારણ કરી લીધું હતું, ઘટનાની જાણ થતાં જ રાજુલા પોલીસ, ૧૧૨ ની ટીમ અને ફાયર બ્રિગેડની ટીમ ત્વરિત ઘટના સ્થળે દોડી આવી હતી. ફાયર વિભાગની ટીમે ભારે જહેમત બાદ પાણીનો મારો ચલાવીને આ વિકરાળ આગ પર કાબૂ મેળવ્યો હતો. સદનસીબે આ ભયાનક અકસ્માતમાં કોઈ પણ પ્રકારની જાનહાનિ થઈ નથી, જેનાથી તંત્ર અને સ્થાનિકોએ રાહતનો શ્વાસ લીધો છે