VIDEO:એએમસીમાં સિક્યુરિટી એજન્સી, બાઉન્સર વિરુદ્ધ ફરિયાદમાં વધારો થયો

અમદાવાદ મહાનગરપાલિકામાં સિક્યુરિટી એજન્સીઓ અને બાઉન્સર વિરુદ્ધ ફરિયાદનો આંકડો સતત વધી રહ્યો છે. આરટીઆઈ અંતર્ગત મેળવેલા આંકડા મુજબ છેલ્લા 5 વર્ષમાં આ ફરિયાદમાં નોંધપાત્ર વધારો થયો છે. વર્ષ 2020-21માં 53 ફરિયાદ હતી, જે વધીને 2024-25માં 301 પર પહોંચી ગઈ છે. વર્તમાન વર્ષ 2025-26ના માત્ર ચાર મહિનામાં જ 92 ફરિયાદો નોંધાઈ છે. વિરોધપક્ષે માંગ કરી છે કે ટોલ ફ્રી નંબર પર અન્ય ફરિયાદ સાથે બાઉન્સરો વિરુદ્ધની ફરિયાદ પણ નોંધવી જોઈએ. હાલમાં આવી ફરિયાદો સીધી કમિશનર કચેરીમાં કરવી પડે છે.