Video: દિવાળી પર્વ પર ગુજરાતમાં વધી ઈમરજન્સી સેવાઓની ચિંતાજનક સ્થિતિ

દિવાળીના તહેવાર દરમિયાન ગુજરાતમાં ૧૦૮ ઈમરજન્સી સેવાઓ પર ભારણ નોંધપાત્ર રીતે વધ્યું છે. સામાન્ય દિવસોની સરખામણીમાં ઈમરજન્સી કેસોમાં ૧૩.૧૨ ટકાનો વધારો થઈને આંકડો ૫,૯૩૪ પર પહોંચ્યો છે. સૌથી ચિંતાજનક બાબત એ છે કે વાહન અકસ્માતના કેસોમાં ૮૭.૪૯ ટકાનો મોટો ઉછાળો આવ્યો છે, જ્યારે અન્ય અકસ્માતો પણ ૭૫.૧૭ ટકા વધ્યા છે. આ ઉપરાંત, ડાયાબિટીસની તકલીફો તેમજ ફટાકડા કે અન્ય કારણોસર રાજ્યભરમાં દાઝી જવાના કુલ ૬૨ કેસ નોંધાયા છે, જેમાં અમદાવાદ ૧૩ અને સુરત ૧૨ કેસ સાથે મોખરે રહ્યા છે. આ આંકડાઓ તહેવારો દરમિયાન વધુ સાવચેતી રાખવાની તાતી જરૂરિયાત દર્શાવે છે.