અમદાવાદના જાણીતા 7 રસ્તાઓને આઈકોનિક બનાવાશે, AMC 350 કરોડના ખર્ચે તૈયાર કરશે રોડ
અમદાવાદમાં એરપોર્ટ સર્કલથી ડફનાળા સર્કલ સુધીના રોડ ઉપરાંત આશ્રમરોડ, ઈસ્કોનથી પકવાન જંકશન સુધીનારોડને આ
અમદાવાદમાં એરપોર્ટ સર્કલથી ડફનાળા સર્કલ સુધીના રોડ ઉપરાંત આશ્રમરોડ, ઈસ્કોનથી પકવાન જંકશન સુધીનારોડને આઈકોનિક બનાવાશે. શહેરમાં કુલ વીસ કિલોમીટરથી વધુ લંબાઈના સાત રોડને રૂપિયા 350 કરોડના ખર્ચે આઈકોનિક બનાવવામાં આવશે.રોડની હયાત પહોળાઈ મુજબ ઓનસ્ટ્રીટ પાર્કિંગની વ્યવસ્થા કરવામાં આવશે.
સાત રોડને રૂપિયા 350 કરોડના ખર્ચે આઈકોનિક બનાવવામાં આવશે
| નામ | લંબાઈ (મીટર) | પહોળાઈ (મીટર) |
| એરપોર્ટ સર્કલથી ડફનાળા જંકશન | 3250 | 30 |
| નરોડા સ્મશાનથી દહેગામ સર્કલ | 2700 | 60 |
| શ્યામલથી એસ.જી.હાઈવે | 3300 | 30 |
| ઈસ્કોનથી પકવાન જંકશન | 1470 | 12થી 28 |
| વિસતથી તપોવન સર્કલ | 2400 | 90થી 108 |
| કેશવબાગથી પકવાન જંકશન | 2370 | 30 |
| આશ્રમરોડ | 5115 | 30.5થી 39.65 |
મ્યુનિસિપલ કોર્પોરેશન દ્વારા એક વર્ષ અગાઉ શહેરના એરપોર્ટ સર્કલથી ઈન્દિરા સર્કલ સુધીના રોડને આઈકોનિક રોડ તરીકે ડેવલપ કરવામાં આવ્યો હતો. ટેન્ડર પ્રક્રીયા મ્યુનિસિપલ તંત્ર તરફથી કરવામાં આવી છે.
જુદા જુદા સ્થળ ઉપર સર્વે કરાયા પછી ડીઝાઈન તૈયાર
હયાત રસ્તાને આઈકોનિક રોડ તરીકે ડેવલપ કરવા જુદા જુદા સ્થળ ઉપર સર્વે કરાયા પછી ડીઝાઈન તૈયાર કરવામાં આવી હોવાનું આધારભૂત સૂત્રોમાંથી જાણવા મળે છે.
