બોલિવૂડ: આ ફિલ્મ જાહ્નવી કપૂરની કારકિર્દીની પાંચમી સૌથી વધુ કમાણી કરનારી ફિલ્મ બની

2 ઓક્ટોબરના રોજ સિનેમાઘરોમાં ફિલ્મ "સની સંસ્કારીકી તુલસી કુમારી" રિલીઝ થઈ હતી. જેમાં વરુણ ધવનની સાથે જાહ્નવી કપૂરની જોડી જોવા મળે છે. આ ફિલ્મે જાહ્નવી કપૂરના કરિયરનો સિતારો ચમકાવ્યો છે. આ ફિલ્મ તેની કારકિર્દીની પાંચમી સૌથી વધુ કમાણી કરનારી ફિલ્મ બની ગઈ છે. આ ફિલ્મની ઘણી ક્લિપ્સ સોશિયલ મીડિયા પર વાયરલ થઈ રહી છે. ફિલ્મને બોક્સ ઓફિસ પર સારો પ્રતિસાદ મળી રહ્યો છે.

ફિલ્મની કમાણી

સની સંસ્કારીકી તુલસી કુમારીએ ત્રીજા દિવસે ₹7.25 કરોડની કમાણી કરી હતી. ત્રીજા દિવસના સત્તાવાર આંકડા જાહેર કરવામાં આવ્યા નથી. જોકે, જો ફિલ્મ ત્રીજા દિવસે ₹7.25 કરોડની કમાણી કરે છે, તો તેનું અત્યાર સુધીનું કુલ કલેક્શન ₹22 કરોડ સુધી પહોંચી જશે. આ ફિલ્મે પહેલા દિવસે 9.25 કરોડ અને બીજા દિવસે 7.25 કરોડ રૂપિયાની કમાણી કરી હતી.

જાહ્નવીની આ ફિલ્મે બનાવ્યો રેકોર્ડ

આ સાથે સની સંસ્કારીકી તુલસી કુમારીએ જાહ્નવી કપૂરના કરિયરની ટોચની 5 ફિલ્મોમાં પ્રવેશ કર્યો છે. આ ફિલ્મ જાહ્નવીના કરિયરની પાંચમી સૌથી વધુ કમાણી કરનારી ફિલ્મ બની છે. સની સંસ્કારીકી તુલસી કુમારીએ રૂહી (21.93 કરોડ), ઉલઝ (9.07 કરોડ), મિલી (2.82 કરોડ), હોમબાઉન્ડ (2.59 કરોડ)ને પાછળ છોડી દીધી છે.

આ ફિલ્મોને પાછળ છોડી દીધી

બોક્સ ઓફિસ પર આ ફિલ્મ કાંતારા ચેેપ્ટર 1 સાથે સ્પર્ધા કરી રહી છે. કાંતારા ચેપ્ટર 1 તો ધૂમ કમાઈ રહી છે. જોકે, સની સંસ્કારીકી તુલસી કુમારીએ અર્જુન કપૂરની મેરે હસબન્ડ કી બીવી (12.85 કરોડ) અને જુનૈદ ખાન અને ખુશી કપૂર (જાહ્નવીની બહેન) લવયાપા (8.85 કરોડ) જેવી ફિલ્મોને પાછળ છોડી દીધી છે.

ફિલ્મની કાસ્ટ

સની સંસ્કારીકી તુલસી કુમારીમાં વરુણ ધવન, જાહ્નવી કપૂર, રોહિત શરાફ અને સાન્યા મલ્હોત્રા છે. પ્રાજક્તા કોહલીએ ફિલ્મમાં કેમિયો કર્યો છે. આ ફિલ્મનું દિગ્દર્શન શશાંક ખૈતાન દ્વારા કરવામાં આવ્યું છે. તેના ગીતો ફેન્સને ગમ્યા છે, જેમાં બિજુરિયાથી લઈને પનવાડી સુધીના બધા ગીતો ટોચ પર છે.