Shilpa Shetty અને Raj Kundra વિરુદ્ધ ગંભીર કેસ, શું કહ્યું ઉદ્યોગપતિએ?

અભિનેત્રી Shilpa Shetty, તેના પતિ Raj Kundra અને અન્ય એક વ્યક્તિ વિરુદ્ધ મુંબઈ સ્થિત એક ઉદ્યોગપતિ સાથે 60 કરોડ રૂપિયાથી વધુની છેતરપિંડી કરવાનો કેસ દાખલ કરવામાં આવ્યો છે . આ કથિત છેતરપિંડી, દંપતીની બંધ થયેલી કંપની 'બેસ્ટ ડીલ ટીવી પ્રાઇવેટ લિમિટેડ'માં સંકળાયેલા સોદા સાથે જોડાયેલી છે.

કોણે કર્યો કેસ?

Shetty અને Kundra વિરુદ્ધ કેસ ઉદ્યોગપતિ દીપક કોઠારી દ્વારા દાખલ કરવામાં આવ્યો હતો, જેમણે આરોપ લગાવ્યો હતો કે, આ દંપતીએ 2015 અને 2023 વચ્ચે તેમની સાથે 60 કરોડ રૂપિયાની છેતરપિંડી કરવાનું કાવતરું ઘડ્યું.

બેસ્ટ ડીલ ટીવી સાથે જોડાયેલી છે છેતરપિંડી

લોટસ કેપિટલ ફાઇનાન્શિયલ સર્વિસીસના ડિરેક્ટર કોઠારીએ તેમની ફરિયાદમાં જણાવ્યું હતું કે, રાજેશ આર્ય નામના એક વ્યક્તિએ તેમને દંપતી સાથે પરિચય કરાવ્યો હતો, જેઓ તે સમયે બેસ્ટ ડીલ ટીવી પ્રાઇવેટ લિમિટેડના ડિરેક્ટર હતા, જે એક હોમ શોપિંગ અને ઓનલાઈન રિટેલ પ્લેટફોર્મ હતું. તે સમયે, Shetty અને Kundra દંપતી કંપનીના 87.6% શેર ધરાવતા હતા.

ઉદ્યોગપતિએ શું કર્યો દાવો?

કોઠારીએ દાવો કર્યો હતો કે, બોલિવૂડ દંપતીએ શરૂઆતમાં 12% વ્યાજે રૂ. 75 કરોડની લોન માંગી હતી. પછીથી તેમને ઊંચા કરવેરાથી બચવા માટે ભંડોળને "રોકાણ" તરીકે વાપરવા માટે સમજાવવામાં આવ્યા હતા, જ્યારે તેમને માસિક વળતર અને મુદ્દલની ચુકવણીની ખાતરી આપવામાં આવી હતી.

ખાતરીઓ પછી, કોઠારીએ દાવો કર્યો કે તેમણે એપ્રિલ 2015 માં શેર સબસ્ક્રિપ્શન કરાર હેઠળ રૂ. 31.95 કરોડ ટ્રાન્સફર કર્યા હતા, ત્યારબાદ સપ્ટેમ્બર 2015માં પૂરક કરાર હેઠળ બીજા રૂ. 28.53 કરોડ ટ્રાન્સફર કર્યા હતા. કુલ રકમ કથિત રીતે બેસ્ટ ડીલ ટીવીના HDFC બેંક ખાતાઓમાં જમા કરવામાં આવી હતી. જોકે, શેટ્ટીએ સપ્ટેમ્બર 201 માં બેસ્ટ ડીલ ટીવીના ડિરેક્ટર પદેથી રાજીનામું આપ્યું. બીજા વર્ષે, કંપની સામે બીજા કરારમાં ડિફોલ્ટ થવા બદલ નાદારીની કાર્યવાહી શરૂ કરવામાં આવી.

કોઠારીએ આરોપ લગાવ્યો કે, મધ્યસ્થીમાં રહેલ રાજેશ આર્ય દ્વારા તેમના પૈસા વસૂલવાના પ્રયાસો વારંવાર નિષ્ફળ ગયા. આખરે તેણે ફરિયાદ નોંધાવી, અને તારણ કાઢ્યું કે, અભિનેત્રી અને તેના પતિએ તેના ભંડોળનો "અપ્રમાણિકપણે ઉપયોગ" વ્યક્તિગત લાભ માટે કર્યો અને તેની સાથે છેતરપિંડી કરી. 10 કરોડ રૂપિયાથી વધુની રકમ હોવાથી આ કેસની તપાસ આર્થિક ગુના શાખા (EOW)ને સોંપવામાં આવી છે.

કપલની કાનૂની મુશ્કેલીઓમાં વધારો

આ ઘટના દંપતીની કાનૂની મુશ્કેલીઓમાં વધારો કરે છે. આ વર્ષની શરૂઆતમાં, Shetty અને Kundra દંપતી પર ગોલ્ડ સ્કીમમાં રોકાણકાર સાથે છેતરપિંડી કરવાનો આરોપ મૂકવામાં આવ્યો હતો. રિદ્ધિ સિદ્ધિ બુલિયન્સના મેનેજિંગ ડિરેક્ટર પૃથ્વીરાજ કોઠારી દ્વારા આ ફરિયાદ દાખલ કરવામાં આવી હતી.

Kundra, જેમની અગાઉ મુંબઈ પોલીસે 2021 માં પુખ્ત સામગ્રીના કેસમાં ધરપકડ કરી હતી અને બાદમાં તેમને જામીન આપવામાં આવ્યા હતા, તે બિટકોઈન છેતરપિંડી સંબંધિત એક અલગ મની લોન્ડરિંગ કેસમાં પણ તપાસ હેઠળ રહેલા છે.