Bollywood film directorનો પુત્ર ન્યુ યોર્કમાં મેયર બનવાની રેસમાં સૌથી આગળ, જાણો કોણ છે Zohran Mamdani

ભારતીય મૂળના આ મુસ્લિમ નેતા Zohran Mamdaniએ ન્યૂ યોર્કના મેયરની ચૂંટણીમાં ખળભળાટ મચાવી દીધો છે. અમેરિકાના ન્યૂ યોર્ક શહેરમાં યોજાનારી મેયરની ચૂંટણી પહેલા મોટી રાજકીય ઉથલપાથલ જોવા મળી છે. ભારતીય મૂળના મુસ્લિમ નેતા Zohran Mamdaniએ ડેમોક્રેટિક પ્રાથમિક ચૂંટણીમાં ભૂતપૂર્વ ગવર્નર એન્ડ્રુ કુઓમોને મોટા માર્જિનથી હરાવ્યા છે. આ 33 વર્ષીય યુવા નેતાએ માત્ર અનુભવી રાજકારણીની વાપસીની આશાઓ પર પાણી ફેરવી દીધુંછે. સાથે તેઓ ન્યૂ યોર્ક સિટીના મેયરની ચૂંટણી લડનારા પ્રથમ ભારતીય મૂળના મુસ્લિમ ઉમેદવાર પણ બન્યા છે. જાણો Zohran Mamdani કોણ છે, ભારત સાથે તેમનો શું સંબંધ છે અને તેમણે કેવી રીતે ઐતિહાસિક જીત નોંધાવી.

આ પણ વાંચો :

ન્યુ યોર્કથી દિલ્હી આવી રહેલી ફલાઈટમાં બોમ હોવાની મળી ધમકી, સુરક્ષાના જોખમે ડાઈવર્ટ કરાઈ

અનુપમ ખેરે ન્યુ યોર્કના ટાઈમ્સ સ્ક્વેરમાં કર્યા યોગ

Zohran Mamdaniની જનતાની પહેલી પસંદગી કેવી રીતે બની

Zohran Mamdaniની આ સફર કોઈ ફિલ્મી વાર્તાથી ઓછી નથી. શરૂઆતમાં, તેમને રાજકારણમાં મોટા નામો માટે ગંભીર પડકાર માનવામાં આવતો ન હતો. પરંતુ તેમની લોકો-આધારિત, જમીન-સ્તરીય પ્રચાર શૈલી અને સામાન્ય લોકો સાથે સંબંધિત મુદ્દાઓએ તેમને યુવાનો અને પ્રગતિશીલ મતદારોમાં લોકપ્રિય બનાવ્યા. તેમનો ચૂંટણી પ્રચાર સંપૂર્ણપણે પરિવર્તનની માંગ પર કેન્દ્રિત હતો, જેમ કે મફત જાહેર બસ સેવા, સાર્વત્રિક બાળ સંભાળ, સબસિડીવાળા ઘરોમાં ભાડું ફ્રીઝ અને સરકારી કરિયાણાની દુકાનો ખોલવી. તેઓ કહે છે કે આ બધી યોજનાઓ માટે ધનિકો પર કર વધારીને ભંડોળ પૂરું પાડવામાં આવશે. જેણે લોકોના દિલ જીતી લીધા.

Zohran Mamdani કોણ છે? ભારત સાથે તેનો શું સંબંધ છે?

Zohran Mamdani એક ડેમોક્રેટિક સોશિયાલિસ્ટ છે. તેમનો જન્મ યુગાન્ડામાં થયો હતો, પરંતુ જ્યારે તે સાત વર્ષના હતા, ત્યારે તેમનો પરિવાર અમેરિકા આવ્યો અને તેમનો ઉછેર ન્યુ યોર્ક સિટીમાં થયો. તે પ્રખ્યાત બોલિવૂડ ફિલ્મ દિગ્દર્શક મીરા નાયરના(Bollywood film director Mira Nair) પુત્ર છે, જેમની ફિલ્મો 'સલામ બોમ્બે' અને 'મોન્સૂન વેડિંગ' ને ઓસ્કાર અને બાફ્ટા નોમિનેશન મળ્યા હતા. તેમના પિતા મહમૂદ મમદાની યુગાન્ડા મૂળના જાણીતા વિદ્વાન છે. Zohran Mamdani ન્યુ યોર્ક સ્ટેટ એસેમ્બલીમાં ડિસ્ટ્રિક્ટ 36નું પ્રતિનિધિત્વ કરે છે અને આ તેમનો ત્રીજો કાર્યકાળ છે. તે પ્રથમ દક્ષિણ એશિયન પુરુષ અને એસેમ્બલીમાં યુગાન્ડા મૂળના પ્રથમ વ્યક્તિ છે, તેમજ આ પદ મેળવનાર ત્રીજા મુસ્લિમ નેતા છે.

Zohran Mamdaniની પ્રચારની નવી રીત સોશિયલ મીડિયા પર વાયરલ થઈ

Zohran Mamdaniએ યુવાનોને જોડવા માટે સોશિયલ મીડિયાનો ખૂબ ઉપયોગ કર્યો. તેમના પ્રચારનો એક વીડિયો સંપૂર્ણપણે ઉર્દૂમાં હતો, જેમાં બોલિવૂડ ફિલ્મોની ક્લિપ્સનો પણ ઉપયોગ કરવામાં આવ્યો હતો. તેમની આ અનોખી રણનીતિ સોશિયલ મીડિયા પર વાયરલ થઈ અને તેમને નવા મતદારોનો ટેકો મળ્યો.

Zohran Mamdaniને વિવાદો સાથે પણ જોડવામાં આવ્યા 

Zohran Mamdaniની છબી ઇઝરાયલ વિરોધી અને પેલેસ્ટાઇન તરફી નેતાની રહી છે. તેમની વિચારસરણી ડેમોક્રેટિક પાર્ટીના પરંપરાગત વલણથી અલગ છે. પરંતુ આ જ તેમને પાર્ટીના યુવા અને પ્રગતિશીલ જૂથનો ચહેરો પણ બનાવે છે.

ઝોહરાન મમદાનીને બર્ની સેન્ડર્સ અને એલેક્ઝાન્ડ્રિયા ઓકાસિયો-કોર્ટેઝનો ટેકો મળ્યો

યુએસ સેનેટર બર્ની સેન્ડર્સ અને પ્રતિનિધિ એલેક્ઝાન્ડ્રિયા ઓકાસિયો-કોર્ટેઝ જેવા મોટા નામોએ ખુલ્લેઆમ તેમને ટેકો આપતા ઝોહરાન મમદાનીની જીત વધુ મજબૂત બની. બંને નેતાઓ અમેરિકન રાજકારણના પ્રગતિશીલ ચહેરાઓમાં ગણાય છે.

ઝોહરાન મમદાનીની આ જીત પછી શું?

હવે ઝોહરાન મમદાનીની નવેમ્બરમાં યોજાનારી ન્યૂ યોર્ક સિટી મેયર જનરલ ચૂંટણીમાં ડેમોક્રેટિક પાર્ટીના ઉમેદવાર હશે. તેમનો સામનો રિપબ્લિકન ઉમેદવાર કર્ટિસ સ્લિવા, વર્તમાન મેયર એરિક એડમ્સ, જે આ વખતે અપક્ષ તરીકે ચૂંટણી લડી રહ્યા છે અને સંભવતઃ એન્ડ્રુ કુઓમો, જે અપક્ષ ઉમેદવાર તરીકે ચૂંટણી લડી શકે છે, સામે થશે.

ઐતિહાસિક વિજય પછી ઝોહરાન મમદાનીએ આ વાત કહી

વિજયની જાહેરાત કરતી વખતે, ઝોહરાન મમદાનીએ નેલ્સન મંડેલાના પ્રખ્યાત વાક્ય “It always seems impossible until it is done”ને પુનરાવર્તિત કર્યું. હવે ન્યૂ યોર્કના લોકોની નજર આ યુવાન ભારતીય મૂળના નેતા પર છે, જે પરિવર્તનની નવી આશા તરીકે ઉભરી આવ્યા છે.