Kantara: A Legend Chapter-1: બ્લોકબસ્ટર ફિલ્મોના રેકોર્ડ તોડી રહી છે આ ફિલ્મ, ધમાકેદાર કલેક્શન કર્યું

કાંતારા ચેપ્ટર-1, આ ફિલ્મને રિલીઝ થઈને 12 દિવસ થઈ ચૂક્યા છે, છતાં તેનો જાદુ યથાવત છે. આ ફિલ્મ હવે બ્લોકબસ્ટર ફિલ્મોના રેકોર્ડ તોડી રહી છે. ઋષભ શેટ્ટીની આ ફિલ્મ 2025ની બીજી સૌથી વધુ કમાણી કરનારી ફિલ્મ બની ગઈ છે. તેણે ફક્ત 10 ફિલ્મો સિવાય, અત્યાર સુધી રિલીઝ થયેલી બધી બ્લોકબસ્ટર ફિલ્મોના રેકોર્ડ તોડી નાંખ્યા છે. 

કાંતારા ચેપ્ટર-1નું બોક્સ ઓફિસ કલેક્શન

12મા દિવસે, સાંજે 6 વાગ્યા સુધીમાં, ફિલ્મે 5.74 કરોડની કમાણી કરી છે, જેનાથી તેની કુલ કમાણી 444.14 કરોડ થઈ ગઈ છે. આ આંકડામાં ફેરફાર થઈ શકે છે. આ ફિલ્મ 125 કરોડ રૂપિયાના બજેટમાં બની હતી. આ ફિલ્મે માત્ર 11 દિવસમાં વિશ્વભરમાં 614.30 કરોડ રૂપિયાની કમાણી કરી લીધી છે.

કાંતારા ચેપ્ટર-1 કરતાં ફક્ત આ 10 ફિલ્મો આગળ

એક અહેવાલ મુજબ તેણે અત્યાર સુધી રિલીઝ થયેલી બધી બ્લોકબસ્ટર ફિલ્મોની આજીવન કમાણીને વટાવી દીધી છે. ફક્ત 10 ફિલ્મો બાકી છે, જેના રેકોર્ડ હજુ સુધી તૂટ્યા નથી. આ ફિલ્મોની યાદી નીચે મુજબ છે.

પુષ્પા 2: ધ રૂલ - ₹1234.1 કરોડ

બાહુબલી 2 - ₹1030.42 કરોડ

KGF 2 - ₹859.7 કરોડ

કલ્કી 2898 AD - ₹646.31 કરોડ

જવાન - ₹640.25 કરોડ

છાવા - ₹601.54 કરોડ

સ્ત્રી 2 - ₹597.99 કરોડ

એનિમલ - ₹553.87 કરોડ

પઠાણ - ₹543.09 કરોડ

ગદર 2 - ₹525.7 કરોડ