VIDEO: 'સારી પ્રજા કો માર દેંગે...', રિલીઝ થયું 'Mirzapur The Movie' નું દમદાર ટીઝર, આ દિવસે આવશે ફિલ્મ
છેલ્લું અપડેટ : 25 Jun 2026
'સારી પ્રજા કો માર દેંગે, તો ફિર રાજ કિસ પર કરેંગે...' કાલીન ભૈયા, ઉર્ફે પંકજ ત્રિપાઠી, ફરી એકવાર 'મિર્ઝાપુર' ના સિંહાસન પર પાછો ફર્યો છે. આ વખતે, તે મોટા પડદા પર છે. 'મિર્ઝાપુર: ધ મૂવી' 4 સપ્ટેમ્બરના રોજ રિલીઝ થવાની છે, અને તેનું ટીઝર રિલીઝ થથઈ ગયું છે. 2 મિનિટ, 22 સેકન્ડના ટીઝરમાં ફેન્સ જેની રાહ જોઈ રહ્યા હતા તે બધું છે. તે કાલીન ભૈયાથી શરૂ થાય છે, અને દરેક ફ્રેમ પસાર થતાં, જૂના પાત્રો નવા અવતારમાં દેખાય છે, ઘણી યાદો પાછી લાવે છે. વેબ સિરીઝ મિર્ઝાપુરમાં લોકોએ લગભગ બધા સ્ટાર્સ જોયા છે. જોકે, જીતેન્દ્ર કુમાર અને રવિ કિશનની એન્ટ્રી પ્રભાવશાળી છે, જે ફેન્સને બમણો ઉત્સાહ આપે છે.
"કબીલ ઔલાદ બહુત મુશ્કિલ સે મિલતી હૈ આંર કભી-કભી નહીં ભી મિલતી..." ટીઝરની શરૂઆત દુર્ગા પૂજા પંડાલથી થાય છે, ત્યારબાદ મુન્ના ભૈયા (દિવ્યેન્દુ) દેખાય છે. પછી, ગુડ્ડુ પંડિત (અલી ફઝલ) સ્ક્રીન પર દેખાય છે, તે જ સ્વર અને હાથમાં બંદૂક સાથે. વાર્તા 2018માં શરૂ થાય છે અને પછી ઘણી અભિનેત્રીઓ સ્ક્રીન પર દેખાય છે. "મિર્ઝાપુર: ધ મૂવી" રિતેશ સિધવાની અને ફરહાન અખ્તરના એક્સેલ એન્ટરટેઈનમેન્ટના બેનર હેઠળ બનાવવામાં આવી રહી છે. ગુરમીત સિંહે ફિલ્મનું દિગ્દર્શન કર્યું છે.
(Credit: Youtube/@excelmovies)
મુન્ના ભૈયાને જોઈને ફેન્સ ખુશ થિયા ગયા
મુન્ના ભૈયાની વેબ સિરીઝ મિર્ઝાપુરમાં ભૂમિકા સમાપ્ત થઈ ગઈ છે. આ જ કારણ છે કે તે સિઝન 3માં નહતો દેખાયો, જેના કારણે ફેન્સમાં ભારે નારાજગી ફેલાઈ હતી. જોકે, ફિલ્મના ટીઝરમાં મુન્ના ભૈયાનો સંપૂર્ણ દબદબો જોવા મળે છે, જેનાથી ફેન્સ ખુશ થયા છે. લોકો કમેન્ટ કરી રહ્યા છે, "મુન્ના ભૈયા પાછા આવી ગયા છે, બીજું શું જોઈએ છે?" ટીઝરમાં એક સીન છે જ્યાં મુન્ના ભૈયા અને ગુડ્ડુ પંડિત સામસામે આવે છે.
બદલાયેલ બબલુ પંડિત કેવો દેખાતો હતો?
વિક્રાંત મેસી આ ફિલ્મમાં બબલુ પંડિતની ભૂમિકામાં પાછો નથી ફર્યો. તેની જગ્યાએ જીતેન્દ્ર કુમારને કાસ્ટ કરવામાં આવ્યો છે. ગુડ્ડુ પંડિત સાથે તેનો એક સીન છે, અને તે તેમાં ખૂબ જ સારો લાગે છે. તે કહે છે, "હમે એમ્પાયર બનાના નહીં હૈ, ગુડ્ડુ ભૈયા, ઉસે ચલના હૈ." તે આ ભૂમિકા કેવી રીતે ભજવે છે તે જોવાનું બાકી છે, કારણ કે બબલુ પંડિતની છબી હાલમાં દરેકના મનમાં કોતરાઈ ગઈ છે.
રવિ કિશનની એન્ટ્રી
ફિલ્મમાં રવિ કિશન પણ દેખાય છે, અને તે ચોક્કસ ખૂબ જ હલચલ મચાવશે. ટીઝરમાં તેના કેટલાક ફ્રેમ્સ આપણને આની ઝલક આપે છે. તે ઘણી બધી એક્શન કરતો જોવા મળે છે. ટીઝરના છેલ્લા સીનમાં ગુડ્ડુ પંડિતની માતા પૂછે છે, "જાનતે હો ન કિસકી મમ્મી હૈ હમ?" રવિ કિશન જવાબ આપે છે, "હમારા બાપ કૌન હૈ યે બહુત સુને હૈ. પર હમ કિસકી મમ્મી હૈ યહ પહલી બાર સુને હૈ."
