અમિતાભ બચ્ચન અને નરેન્દ્ર મોદીની ખાસ ક્ષણ: જાણો કઈ ફિલ્મ બંનેએ સાથે જોઈ હતી?
છેલ્લું અપડેટ : 17 Sept 2026
દુનિયાભરમાં લોકપ્રિય ભારતના વડાપ્રધાન નરેન્દ્ર મોદી 76 વર્ષના થવા જઈ રહ્યા છે. છેલ્લા 12 વર્ષથી તેઓ દેશ ચલાવી રહ્યા છે અને આ પહેલા તેમણે 13 વર્ષ સુધી ગુજરાતના સીએમ તરીકે કામ કર્યું હતું. પીએમ મોદી જ્યારે ગુજરાતના સીએમ હતા ત્યારે તેમણે અમિતાભ બચ્ચન જેવા દિગ્ગજ એક્ટર સાથે પહેલી મુલાકાત કરી હતી અને ત્યારે પીએમ મોદીએ બિગ બી સાથે થિયેટરમાં બેસીને તેમની એક આખી ફિલ્મ પણ જોઈ હતી.
પીએમ મોદીનો 76મો જન્મદિવસ
આજના યુગમાં માત્ર ભારત જ નહીં પરંતુ દુનિયાના સૌથી લોકપ્રિય અને શક્તિશાળી નેતાઓમાં સ્થાન ધરાવતા નરેન્દ્ર મોદીનો જન્મ 17 સપ્ટેમ્બર 1950ના રોજ ગુજરાતના વડનગરમાં થયો હતો. 2024માં તેઓ સતત ત્રીજી વાર ભારતના પીએમ બન્યા હતા અને તેઓ વારાણસીથી લોકસભા સાંસદ પણ છે.
જ્યારે પહેલીવાર અમિતાભ બચ્ચનને મળ્યા હતા નરેન્દ્ર મોદી
બોલિવૂડના ઘણા દિગ્ગજ કલાકારો સાથે પીએમ મોદી સારું બોન્ડ શેર કરે છે. 'સદીના મહાનાયક' અમિતાભ બચ્ચન સાથે પણ તેમનો સંબંધ ખૂબ જ સારો છે. સિનેમા અને રાજકારણની આ બંને દિગ્ગજ હસ્તીઓ અવારનવાર મળી ચૂકી છે. બંનેની પહેલી મુલાકાત એ સમયે થઈ હતી જ્યારે બિગ બીની ફિલ્મ 'પા' રિલીઝ થઈ હતી. તે સમયે નરેન્દ્ર મોદી ગુજરાતના મુખ્યમંત્રી હતા.
પીએમે બિગ બી સાથે જોઈ હતી 'પા'
જણાવી દઈએ કે વર્ષ 2009માં આવેલી ફિલ્મ 'પા' વખતે અમિતાભ બચ્ચને પોતાની મૂવી માટે ટેક્સ છૂટ મેળવવાના સિલસિલામાં નરેન્દ્ર મોદી સાથે મુલાકાત કરી હતી. પીએમ મોદીએ અક્ષય કુમારને આપેલા ઈન્ટરવ્યુમાં જણાવ્યું હતું કે ત્યારે અમિતાભ બચ્ચને તેમને પોતાની ફિલ્મ જોવાની વિનંતી કરી હતી અને આ ઓફર પીએમ ફગાવી શક્યા નહોતા. ત્યારબાદ બંને દિગ્ગજોએ સાથે બેસીને આખી ફિલ્મ જોઈ હતી.
'પા'માં પુત્ર અભિષેકના પિતા બન્યા હતા અમિતાભ
'પા'માં અમિતાભ બચ્ચને એક દુર્લભ બીમારીથી પીડિત 12 વર્ષના બાળકનું પાત્ર ભજવ્યું હતું. આ માટે બિગ બીએ પોતાનો લુક સંપૂર્ણપણે બદલી નાખ્યો હતો. નવાઈની વાત એ છે કે આ ફિલ્મમાં તેમના પુત્ર અભિષેક બચ્ચન તેમના પિતાના રોલમાં જોવા મળ્યા હતા. આર. બાલ્કીના ડાયરેક્શનમાં બનેલી આ મૂવી બોક્સ ઓફિસ પર સફળ રહી હતી.
