UPSC CSE 2026 માટે શરૂ થઈ ગઈ અરજી પ્રક્રિયા, અહીં જાણો ભરતી અંગેની તમામ વિગતો

યુનિયન પબ્લિક સર્વિસ કમિશન (UPSC) એ 2026 સિવિલ સર્વિસીસ પરીક્ષા અને ભારતીય વન સેવા પરીક્ષા માટે સત્તાવાર નોટિફિકેશન બહાર પાડ્યું છે. વહીવટી સેવાઓમાં કારકિર્દી બનાવવા માટે તૈયારી કરી રહેલા યુવાનો માટે આ એક મોટી તક છે. આ ભરતી પ્રક્રિયા દ્વારા IAS, IPS અને IFS સહિત વિવિધ કેન્દ્રીય સેવાઓ માટે અધિકારીઓની પસંદગી કરવામાં આવશે. કુલ 933 જગ્યાઓ ભરવામાં આવશે. આ માટે ઓનલાઈન અરજી પ્રક્રિયા શરૂ થઈ ગઈ છે, અને રસ ધરાવતા ઉમેદવારો નિયત તારીખ સુધીમાં ફોર્મ ભરી શકે છે. કમિશને અરજી, વય મર્યાદા, પ્રયાસો અને પરીક્ષા કેન્દ્ર અંગે તમામ જરૂરી સૂચનાઓ પણ જારી કરી છે.

આ પણ વાંચો :

કેટલા શિક્ષિત યુવાનો બની શકશે ટુરિસ્ટ ગાઈડ? તેમના માટે કેવી રીતે ઉભા થશે નોકરીના વિકલ્પો?

JEE Mains 2026 Session 2 માટે શરૂ થઈ ગઈ રજીસ્ટ્રેશનની પ્રક્રિયા, જાણો કેવી રીતે કરવી અરજી

અરજી કરવાની છેલ્લી તારીખ

આ પણ વાંચો :

JOB / 12 પાસ ઉમેદવારો માટે સુવર્ણ તક, ઈન્ડિયન ઓઈલમાં નીકળી એપ્રેન્ટિસની ભરતી

Pariksha Pe Charcha 2026ની તારીખ જાહેર થઈ, વડાપ્રધાન નરેન્દ્ર મોદી દૂર કરશે એક્ઝામનો ડર

ઓનલાઈન અરજી પ્રક્રિયા 4 ફેબ્રુઆરીથી શરૂ થઈ ગઈ છે. ઉમેદવારો UPSCની સત્તાવાર વેબસાઈટ upsconline.nic.in ની મુલાકાત લઈને ફોર્મ ભરી શકે છે. અરજી કરવાની છેલ્લી તારીખ 24 ફેબ્રુઆરી, 2026 છે, આ દિવસે સાંજે 6:00 વાગ્યા સુધી અરજી કરી શકાશે. કમિશને ઉમેદવારોને છેલ્લી ઘડીની ઉતાવળ ટાળવા માટે અગાઉથી અરજીઓ પૂર્ણ કરવાની સલાહ આપી છે.

જગ્યાની ફાળવણી અને અનામત

જાહેર કરાયેલ કુલ જગ્યાઓમાંથી આશરે 35 જગ્યાઓ દિવ્યાંગ ઉમેદવારો માટે અનામત રાખવામાં આવી છે. પસંદ કરાયેલા ઉમેદવારોને વિવિધ કેન્દ્રીય સેવાઓ અને વિભાગોમાં અધિકારી પદો પર નિયુક્ત કરવામાં આવશે. અનામતના લાભો સરકારી નિયમો અનુસાર આપવામાં આવશે.

પાત્રતા અને વય મર્યાદા

અરજી કરવા માટે ઉમેદવારો પાસે માન્ય યુનિવર્સિટીમાંથી ગેજ્યુએશનની ડિગ્રી હોવી આવશ્યક છે. અંતિમ વર્ષમાં અભ્યાસ કરતા વિદ્યાર્થીઓ પણ પ્રિલિમ્સ માટે અરજી કરી શકે છે. વય મર્યાદા 21થી 32 વર્ષ નક્કી કરવામાં આવી છે. જે 1 ઓગસ્ટ, 2026 મુજબ ગણવામાં આવશે. OBC કેટેગરીના ઉમેદવારોને 3 વર્ષની છૂટ મળશે અને SC/ST કેટેગરીના ઉમેદવારોને 5 વર્ષની છૂટ મળશે.

પ્રયાસોની મહત્તમ સંખ્યા

જનરલ કેટેગરીના ઉમેદવારો છ વખત પરીક્ષા આપી શકે છે. OBC અને EWS કેટેગરીના ઉમેદવારોને નવ પ્રયાસો મળશે. SC/ST ઉમેદવારો માટે વય મર્યાદા સુધી કોઈ પ્રયાસ મર્યાદા નથી.

OTR અને અરજી ફી

અરજી કરતા પહેલા હવે વન ટાઈમ રજીસ્ટ્રેશન (OTR) ફરજિયાત છે. OTR પ્રોફાઈલ બનાવ્યા પછી જ ફોર્મ ભરી શકાય છે. જનરલ અને OBC પુરૂષ ઉમેદવારો માટે ફી 100 રૂપિયા છે, જ્યારે મહિલા, SC, ST અને દિવ્યાંગ ઉમેદવારો માટે અરજી મફત છે. ધ્યાનમાં રાખો કે ફોર્મ ભરવા માટે ફોટો તાજેતરનો હોવો જોઈએ અને તેના પર નામ અને તારીખ લખેલી હોવી જોઈએ.

પરીક્ષા કેન્દ્ર કેવી રીતે પસંદ કરવામાં આવશે?

પ્રિલિમ્સ પરીક્ષા કેન્દ્રો વહેલા તે પહેલાના ધોરણે ફાળવવામાં આવશે. તેથી તમારા મનપસંદ શહેરમાં કેન્દ્ર મેળવવા માટે વહેલા અરજી કરવી ફાયદાકારક છે.