રેઝ્યૂમે બનાવતી વખતે ધ્યાનમાં રાખો આ બાબતો, નહીં તો નોકરી મળવામાં આવશે મુશ્કેલી

આજકાલ નોકરી માટે અરજી કરતી વખતે તમારો રેઝ્યૂમે સૌથી પહેલા કંપની સુધી પહોંચે છે. ઘણી મોટી કંપનીઓ સોફ્ટવેર દ્વારા રેઝ્યૂમે ચકાસે છે. તેથી, જો રેઝ્યૂમે યોગ્ય રીતે તૈયાર ન કરવામાં આવે, તો તે પ્રારંભિક તબક્કે રિજેક્ટ થઇ શકે છે. તેથી, રેઝ્યૂમે બનાવતી વખતે કેટલાક મહત્ત્વપૂર્ણ મુદ્દાઓ પર ખાસ ધ્યાન આપવું જરૂરી છે.

જરૂરી માહિતી જ સામેલ કરો

ઘણીવાર એવું જોવા મળે છે કે ઘણા ઉમેદવારો તેમના રેઝ્યૂમેમાં એવી માહિતી શામેલ કરે છે જે નોકરી સાથે સંબંધિત નથી. ઉદાહરણ તરીકે, માતા-પિતાના નામ, વૈવાહિક સ્થિતિ અથવા ધર્મ જેવી માહિતી જરૂરી નથી. HRને ફક્ત તે માહિતીની જરૂર હોય છે જે ઉમેદવારના પ્રોફેશનલ પ્રોફાઈલ સાથે સંબંધિત હોય. તેથી, તમારા રેઝ્યૂમેમાં ફક્ત આવશ્યક અને સંબંધિત માહિતી શામેલ કરો.

સ્કિલ્સ વિશે વિસ્તારમાં જાણકારી આપો

ઘણા લોકો તેમના રેઝ્યૂમેમાં ફક્ત MS Office, ટીમવર્ક અથવા નેતૃત્વ જેવી સામાન્ય સ્કિલ્સની યાદી આપે છે. પરંતુ HR ઉમેદવારના જ્ઞાનના સાચા સ્તરને નથી સમજી શકતા. તેથી, તમારી સ્કિલ્સ સાથે તેમનાવિશે થોડી વધુ વિગતો શામેલ કરવી શ્રેષ્ઠ છે. જો તમે એક્સેલ જાણો છો, તો પીવટ ટેબલ, વી-લુકઅપ્સ અથવા ડેશબોર્ડ જેવી વસ્તુઓનો સમાવેશ કરો.

કરિયર ઓબ્નેજેક્ટિવ

ઘણા ઉમેદવારો ઈન્ટરનેટ પરથી કરિયર ઓબ્નેજેક્ટિવ તેમના રેઝ્યૂમેમાં કોપી કરે છે. HRને આ વસ્તુ પસંદ નથી કારણ કે તેઓ સેંકડો રેઝ્યૂમેમાં સમાન લાઈન જુએ છે. તેથી, હંમેશા એવો ઉદ્દેશ્ય લખો જે તમારી વાસ્તવિક સિદ્ધિઓ અને અનુભવને પ્રતિબિંબિત કરે.

ડેટા સાથે કામ દર્શાવો

જો તમે કોઈ પ્રોજેક્ટ અથવા કામ પર સારું પ્રદર્શન કર્યું હોય, તો તેને ફક્ત શબ્દો કરતાં ડેટા સાથે દર્શાવવું વધુ અસરકારક છે. ઉદાહરણ તરીકે, જો તમે સોશિયલ મીડિયા પેજ મેનેજ કર્યું હોય, તો તમારા ફોલોઅર્સ અથવા એન્નુંગેજમેન્ટની વિગતો શામેલ કરો. આ HRને તમારી ક્ષમતાઓનું સાચું ચિત્ર આપે છે.

રેઝ્યૂમેને પ્રોફેશનલ રાખો

રેઝ્યૂમે બનાવતી વખતે વધુ પડતા રંગો, વિવિધ ફોન્ટ્સ અથવા ડિઝાઇનનો ઉપયોગ કરવાનું ટાળો. આવું રેઝ્યૂમે ઘણીવાર પ્લારોફેશનલ નથી લાગતું અને ઘણી કંપનીઓનું સોફ્ટવેર તેને વાંચી પણ નથી શકતું. તેથી, રેઝ્યૂમેનું ફોર્મેટ હંમેશા સ્પષ્ટ, સરળ અને પ્રોફેશનલ હોવું જોઈએ.

આ માહિતી સામેલ કરો

રેઝ્યૂમેમાં ઉમેદવારનું નામ, મોબાઈલ નંબર, ઈમેઈલ એડ્રેસ અને શહેર જેવી મૂળભૂત માહિતી શામેલ હોવી જોઈએ. જો તમારી પાસે LinkedIn પ્રોફાઈલ છે, તો તેને શામેલ કરવું પણ મદદરૂપ છે. આ HRને તમારા વિશે વધુ માહિતી આપે છે.