VIDEO: IDBI બેંકે 1300 જગ્યાઓ પર બહાર પાડી ભરતી, જાણો શૈક્ષણિક લાયકાત સહિતની વિગતો
છેલ્લું અપડેટ : 10 Mar 2026
જો તમે બેંકમાં નોકરી શોધી રહ્યા છો, તો આ સમાચાર તમારા માટે છે. IDBI બેંકે આસિસ્ટન્ટ મેનેજર ગ્રેડ A અને જુનિયર આસિસ્ટન્ટ મેનેજરની જગ્યાઓ માટે ભરતીની જાહેરાત કરી છે. રસ ધરાવતા અને લાયક ઉમેદવારો સત્તાવાર વેબસાઈટની મુલાકાત લઈને અરજી કરી શકે છે. આ જગ્યાઓ માટે અરજી કરવાની છેલ્લી તારીખ 19 માર્ચ, 2026 છે. રસ ધરાવતા ઉમેદવારોએ આ તારીખે અથવા તે પહેલા અરજી કરવી જોઈએ.
અરજી કેવી રીતે કરવી?
- સૌપ્રથમ સત્તાવાર વેબસાઈટની મુલાકાત લો.
- આ પછી હોમપેજ પર કારકિર્દી લિંક પર ક્લિક કરો.
- હવે વર્તમાન ઓપનિંગ્સ ટેબ પર ક્લિક કરો.
- ત્યારબાદ સંબંધિત લિંક પર ક્લિક કરો
- હવે નવા પેજ પર રજીસ્ટ્રેશન કરાવો.
- ત્યારબાદઅરજી ફોર્મ ભરી લો.
- આ પછી ફોર્મ સબમિટ કરો.
- ફોર્મ સબમિટ કર્યા પછી કન્ફર્મેશન પેજ ડાઉનલોડ કરો.
- છેલ્લે ફોર્મની પ્રિન્ટ કાઢી લો.
ખાલી જગ્યાઓની વિગતો
- આસિસ્ટન્ટ મેનેજર ગ્રેડ A માટે 200 જગ્યાઓ.
- જુનિયર આસિસ્ટન્ટ મેનેજર (JAM) ગ્રેડ O (પ્રાદેશિક) માટે 1,100 જગ્યાઓ.
વય મર્યાદા અને શૈક્ષણિક લાયકાત
આસિસ્ટન્ટ મેનેજર A માટે અરજી કરનારા ઉમેદવારો માન્ય યુનિવર્સિટીમાંથી ગ્રેજ્યુએટ હોવા જોઈએ. ઉમેદવારોની ઉંમર 21થી 30 વર્ષની વચ્ચે હોવી જોઈએ. આ સિવાય આ જગ્યા માટે અનુભવ પણ માંગવામાં આવ્યો છે.
જુનિયર આસિસ્ટન્ટ મેનેજર (JAM) ગ્રેડ O (પ્રાદેશિક) માટે અરજી કરનારા જનરલ, EWS અને OBC ઉમેદવારો પાસે ઓછામાં ઓછા 60% માર્ક્સ સાથે માન્ય યુનિવર્સિટીમાંથી કોઈપણ સ્ટ્રીમમાં ગ્રેજ્યુએશનની ડિગ્રી હોવી જોઈએ. SC/ST/PwBD ઉમેદવારો ઓછામાં ઓછા 55% માર્ક્સ સાથે ગ્રેજ્યુએટ હોવા જોઈએ. આ જગ્યાઓ માટે ઉમેદવારોની ઉંમર 20થી 25 વર્ષ હોવી જોઈએ.
વધુ માહિતી અને સંબંધિત વિષયો પર લેટેસ્ટ અપડેટ્સ માટે ઉમેદવારો સત્તાવાર વેબસાઈટની મુલાકાત લઈ શકે છે.
