JOB / SIDBIમાં ઓફિસર બનવાની શાનદાર તક, ગ્રેજ્યુએશનમાં આટલા માર્ક્સ છે તો ભરી લો ફોર્મ

જે ઉમેદવારો બેંકમાં સરકારી નોકરી શોધી રહ્યા છે, તેમના માટે SIDBI એટલે કે સ્મોલ ઈન્ડસ્ટ્રીઝ એન્ડ ડેવલપમેન્ટ બેંક (SIDBI) માં ઘણી જગ્યાઓ ખાલી છે. આ જગ્યાઓ પર ભરતી માટે સત્તાવાર નોટિફિકેશન બહાર પાડવામાં આવ્યું છે. જે પછી, બેંકની સત્તાવાર વેબસાઇટ www.sidbi.in પર અરજી પ્રક્રિયા પણ શરૂ થઈ ગઈ છે. રસ ધરાવતા ઉમેદવારો આ બેંક ભરતીમાં છેલ્લી તારીખ 2 ડિસેમ્બર 2024 સુધી ફોર્મ ભરી શકે છે. અરજી ફી ભરવાની પણ આ છેલ્લી તારીખ છે.

આ પણ વાંચો: JOB / બેંકમાં 1000 નોકરીઓની બમ્પર ભરતી, પગાર મહિને 31000 રૂપિયા, સ્નાતકો માટે સુવર્ણ તક

સ્મોલ ઈન્ડસ્ટ્રીઝ ડેવલપમેન્ટ બેંક ઓફ ઈન્ડિયા (SIDBI) એ ભારતની એક મોટી નાણાકીય સંસ્થા છે, જે નાના અને મધ્યમ ઉદ્યોગોના વિકાસમાં મદદ કરે છે. આવી સ્થિતિમાં, SIDBIમાં ઓફિસર લેવલની નોકરી મેળવવાની આ એક સારી તક છે. બેંકે કુલ 72 જગ્યાઓ પર ભરતી બહાર પાડી છે.

ખાલી જગ્યાઓ

• આસિસ્ટન્ટ મેનેજર (ગ્રેડ-એ) જનરલ - 50 જગ્યાઓ
• મેનેજર (ગ્રેડ-બી) જનરલ - 10 જગ્યાઓ
• મેનેજર (ગ્રેડ-બી) લીગલ - 06 જગ્યાઓ
• મેનેજર (ગ્રેડ-બી) આઈટી - 06 જગ્યાઓ

શૈક્ષણિક લાયકાત

SIDBI ગ્રેડ A અને ગ્રેડ B ઓફિસરની આ ભરતી માટે અરજી કરવા માટે, ઉમેદવારો પાસે સંબંધિત ક્ષેત્રમાં ઓછામાં ઓછા 60 ટકા માર્ક્સ સાથે ગ્રેજ્યુએશનની ડિગ્રી હોવી આવશ્યક છે. જ્યારે SC, ST અને PH ઉમેદવારો પાસે 55 ટકા માર્ક્સ સાથે ગ્રેજ્યુએશનની ડિગ્રી હોવી જરૂરી છે. ઉમેદવારો સતાવાર નોટિફિકેશનમાંથી પોસ્ટ મુજબની શૈક્ષણિક લાયકાતની માહિતી વિગતવાર તપાસી શકે છે.

વય મર્યાદા

ગ્રેડ A પોસ્ટ માટે અરજી કરવા માટે, ઉમેદવારોની લઘુત્તમ વય 21 વર્ષ અને મહત્તમ 30 વર્ષ હોવી જોઈએ. જ્યારે ગ્રેડ Bની પોસ્ટ માટે, અરજદારોની ઉંમર ઓછામાં ઓછી 25 વર્ષ અને મહત્તમ 33 વર્ષ નક્કી કરવામાં આવી છે. ઉંમરની ગણતરી 2જી ડિસેમ્બર 2024ના રોજ કરવામાં આવશે. જ્યારે આરક્ષિત વર્ગોના ઉમેદવારોને ઉંમરમાં છૂટછાટ આપવામાં આવશે.

પગાર

ગ્રેડ A આસિસ્ટન્ટ મેનેજરની પોસ્ટ પરના ઉમેદવારોને 1,00,000 રૂપિયાનો માસિક પગાર મળશે અને ગ્રેડ B મેનેજરની પોસ્ટ પરના ઉમેદવારોને 1,15,000 રૂપિયાનો માસિક પગાર મળશે.

પસંદગી પ્રક્રિયા

લેખિત કસોટી, ઇન્ટરવ્યુ અને ડોક્યુમેન્ટ વેરિફિકેશન

અરજી ફી

જનરલ, OBC અને EWS કેટેગરીના ઉમેદવારોએ 1100 રૂપિયા અરજી ફી તરીકે ચૂકવવા પડશે. જ્યારે SC, ST અને PH કેટેગરીના ઉમેદવારો માટે અરજી ફી 175 રૂપિયા નક્કી કરવામાં આવી છે.

પરીક્ષાની તારીખ

• ફેઝ-1 ટેન્ટેટિવ ​તારીખ - 22 ડિસેમ્બર 2024
• ફેઝ-II ટેન્ટેટિવ તારીખ - 19 જાન્યુઆરી 2025
• ઇન્ટરવ્યુની ટેન્ટેટિવ તારીખ - ફેબ્રુઆરી 2025