JOB / બેંકમાં 1000 નોકરીઓની બમ્પર ભરતી, પગાર મહિને 31000 રૂપિયા, સ્નાતકો માટે સુવર્ણ તક

જો તમે સરકારી બેંકોમાં નોકરી શોધી રહ્યા છો, તો તમારા માટે સારા સમાચાર છે. IDBI બેંકે 1000થી વધુ જગ્યાઓ માટે અરજીઓ મંગાવી છે. બેંક દ્વારા જારી કરવામાં આવેલા નોટિફિકેશન મુજબ સેલ્સ અને ઓપરેશન ડિપાર્ટમેન્ટમાં ભરતી કરવામાં આવશે. આ માટે IDBI બેંકની વેબસાઈટ idbibank.in પર જઈને ઓનલાઈન અરજી કરવાની રહેશે. અરજી કરવા માટે 16મી નવેમ્બર છેલ્લી તારીખ છે.

આ પણ વાંચો: Career Option / છોકરીઓ માટે બેસ્ટ છે 5 ટોપ કોર્સ, તમે પણ આ ક્ષેત્રોમાં બનાવી શકો છો કારકિર્દી

કેટેગરી મુજબ ખાલી જગ્યાઓ

• જનરલ - 448 જગ્યાઓ
• ST - 94 જગ્યાઓ
• SC - 127 જગ્યાઓ
• OBC - 231 જગ્યાઓ
• EWS - 100 જગ્યાઓ
• દિવ્યાંગ - 40 જગ્યાઓ

શૈક્ષણિક લાયકાત અને વય મર્યાદા

IDBI બેંકના સેલ્સ અને ઓપરેશન વિભાગમાં એક્ઝિક્યુટિવની જગ્યાઓ પર ભરતી માટે, ઉમેદવારો કોઈપણ વિદ્યાશાખામાં ગ્રેજ્યુએટ હોવા જોઈએ. તેમજ ઉંમર 20-25 વર્ષની વચ્ચે હોવી જોઈએ.

અરજી ફી

• SC/ST/PwBD - 250 રૂપિયા 
• અન્ય કેટેગરી - 1050 રૂપિયા

કેટલો પગાર મળશે?

IDBI બેંકમાં એક્ઝિક્યુટિવ પોસ્ટ પર ભરતી થયા પછી, ઉમેદવારોને પ્રથમ વર્ષમાં 29,000 રૂપિયા પ્રતિ મહિને અને બીજા વર્ષથી 31,000 રૂપિયા પ્રતિ મહિને પગાર મળશે. આ ભરતી કોન્ટ્રાક્ટ પર કરવામાં આવી રહી છે. તેથી કોઈ ભથ્થું આપવામાં આવશે નહીં.

પસંદગી કેવી રીતે થશે?

IDBI બેંકમાં એક્ઝિક્યુટિવ પોસ્ટ માટે પસંદગી ઓનલાઈન લેખિત પરીક્ષા અને ઇન્ટરવ્યુ પર આધારિત હશે. લેખિત પરીક્ષા 120 મિનિટની રહેશે. જેમાં લોજિકલ રિઝનિંગ, ડેટા એનાલિસિસ અને ઇન્ટરપ્રિટેશનને લગતા 60 માર્ક્સના 60 પ્રશ્નો, અંગ્રેજી ભાષાને લગતા 40 માર્ક્સના 40 પ્રશ્નો, ક્વોન્ટિટેટિવ ​​એપ્ટિટ્યુડને લગતા 40 માર્ક્સના 40 પ્રશ્નો અને જનરલ/ઇકોનોમી /બેંકિંગ અવેરનેસ/કોમ્પ્યુટર/ITને લગતા 60 માર્ક્સના 60 પ્રશ્નો પૂછવામાં આવશે. પરીક્ષામાં નેગેટિવ માર્કિંગ પણ હશે. ખોટા જવાબ માટે 0.25 માર્ક્સ કાપવામાં આવશે.