ભારતમાં સૌથી વધુ ટેક્સ કોણ ચૂકવે છે, અંબાણી અને અદાણીમાંથી કોણ ભરે છે સરકારી તિજોરી?

ભારતમાં તમારે ઘણા પ્રકારના ટેક્સ ચૂકવવા પડે છે. તેમાં આવકવેરો, જીએસટી અને કેપિટલ ગેઈન ટેક્સ વગેરેનો સમાવેશ થાય છે. આપણે બધાએ આપણાં પગાર અથવા વ્યવસાયની આવક પર ટેક્સ ચૂકવવો પડશે. નાણાકીય વર્ષ 2022-23 માટે ટોચની કરદાતા કંપનીઓની યાદીમાં મુકેશ અંબાણીની રિલાયન્સ ઇન્ડસ્ટ્રીઝ ટોચ પર છે. ટાટા ગ્રૂપની બે કંપનીઓ ટાટા કન્સલ્ટન્સી સર્વિસ અને ટાટા સ્ટીલનો પણ આ યાદીમાં સમાવેશ કરવામાં આવ્યો છે. પરંતુ, દેશના બીજા સૌથી અમીર વ્યક્તિ ગૌતમ અદાણીની કોઈ પણ કંપની ટોપ 10ની યાદીમાં સામેલ નથી.

મહેન્દ્ર સિંહ ધોની અને અક્ષય કુમારે ચૂકવ્યો સૌથી વધુ ટેક્સ

ઈન્કમ ટેક્સ ડિપાર્ટમેન્ટના ડેટા અનુસાર, મહેન્દ્ર સિંહ ધોની 38 કરોડ રૂપિયાનો ટેક્સ ભરીને સૌથી વધુ ટેક્સ ચૂકવનાર વ્યક્તિ બની ગયો છે. તેના પછી બોલિવૂડ ખેલાડી અક્ષય કુમાર આવે છે, જેણે 29.5 કરોડ રૂપિયા ઈન્કમ ટેક્સ ચૂકવ્યા છે. અન્ય એક રિપોર્ટમાં દાવો કરવામાં આવ્યો છે કે, જેફ બેઝોસે 2014 અને 2018 વચ્ચે યુએસ સરકારને $973 મિલિયન ટેક્સ ચૂકવ્યા છે. તેમને વિશ્વમાં સૌથી વધુ ટેક્સ ભરનાર કરદાતા માનવામાં આવે છે.

રિલાયન્સ ઈન્ડસ્ટ્રીઝ ચૂકવ્યું સૌથી વધુ ટેક્સ

રિલાયન્સ ઈન્ડસ્ટ્રીઝ ભારતમાં સૌથી વધુ ટેક્સ ચૂકવતી કંપની છે, જે સતત 21 વર્ષથી ફોર્ચ્યુન ગ્લોબલ 500ની યાદીમાં સ્થાન બનાવી રહી છે. કંપની રૂ. 20,376 કરોડનો ટેક્સ ભરીને યાદીમાં ટોચ પર છે. તેલથી લઈને ટેલિકોમ સુધીના ઘણા ક્ષેત્રોમાં કામ કરતી રિલાયન્સ ઈન્ડસ્ટ્રીઝની આવક રૂ. 9,74,864 કરોડ હતી. સ્ટેટ બેંક ઓફ ઈન્ડિયા (SBI) બીજા સ્થાને છે. આ બેંકે સરકારને ટેક્સ તરીકે 16,973 કરોડ રૂપિયા ચૂકવ્યા છે. દેશની સૌથી મોટી બેંકની આવક 3,50,845 કરોડ રૂપિયા રહી છે. એચડીએફસી બેંક આ યાદીમાં ત્રીજા સ્થાને છે, જેણે ટેક્સ તરીકે રૂ. 15,350 કરોડ ચૂકવ્યા છે. આ પછી ટાટા કન્સલ્ટન્સી સર્વિસ (TCS) આવે છે. આ IT કંપનીએ 14,604 કરોડ રૂપિયા ટેક્સ ચૂકવ્યા છે. ICICI બેન્ક રૂ. 11,793 કરોડ ચૂકવીને પાંચમા સ્થાને છે.

આ કંપનીઓ પણ ટોપ 10માં સ્થાન મેળવ્યું

ONGC આ યાદીમાં છઠ્ઠા નંબર પર છે. આ જાહેર ક્ષેત્રની ઓઇલ માર્કેટિંગ કંપનીએ ટેક્સ તરીકે રૂ. 10,273 કરોડ ચૂકવ્યા છે. ટાટા સ્ટીલે રૂ. 10,160 કરોડ ચૂકવીને 7મું સ્થાન મેળવ્યું છે. આ પછી કોલ ઈન્ડિયા આવે છે. આ સરકારી કંપનીએ ટેક્સ તરીકે રૂ. 9,876 કરોડ ચૂકવ્યા છે. આ યાદીમાં ઈન્ફોસિસ 9મા નંબરે છે. આઇટી કંપનીએ ટેક્સ તરીકે રૂ. 9,214 કરોડ ચૂકવ્યા છે. ટોપ 10ની યાદીમાં એક્સિસ બેંક છેલ્લા સ્થાને છે. ખાનગી ક્ષેત્રની આ બેંકે 7,326 કરોડ રૂપિયા ટેક્સ ચૂકવ્યા છે. મહારાષ્ટ્ર દેશમાં સૌથી વધુ કર ચૂકવતું રાજ્ય છે અને આ સ્થિતિ ઘણા વર્ષોથી યથાવત છે.