ટુ-વ્હીલરના Insurance Claims માં 15%નો વધારો! જાણો શું છે કારણ

પોલિસી બજારના એક નવા રિપોર્ટ પ્રમાણે ટુ-વ્હીલર વાહનોના વીમા ક્લેમને લઇને કેટલાક ચોંકાવનારા ખુલાસા થયા છે. છેલ્લા 3 વર્ષના ડેટાના આધારે, અભ્યાસ દર્શાવે છે કે રસ્તાઓ પર વધતી જતી ભીડ, બાઇકનો વધતો ઉપયોગ અને શહેરોમાં ટ્રાફિકની સ્થિતિ આ ક્લેમ્સને અસર કરી રહી છે. આ માહિતી નવા અને અનુભવી બાઇક સવારો બંને માટે મહત્વપૂર્ણ છે.

રસ્તાઓ પર ટ્રાફિકમાં વધારો, ક્લેમ્સમાં 15% નો વધારો

2024-25માં ટુ-વ્હીલર વીમાના દાવામાં 15%નો વધારો જોવા મળ્યો, જે હાલના વર્ષોમાં સૌથી વધુ છે. આગામી વર્ષ 2025-26માં આમાં વધુ 10-12%નો વધારો થવાની ધારણા છે. દૈનિક મુસાફરી, મુસાફરી માટે બાઇકનો વધતો ઉપયોગ અને મધ્યમ ભાવની મોટરસાઇકલની માંગ આ વલણને આગળ વધારી રહી છે. 

મીડ રેન્જ બાઇકના સૌથી વધારે ક્લેમ આવે છે

150 થી 350 સીસી વચ્ચેના ટુ-વ્હીલરના દાવાઓમાં 15%નો વધારો થયો છે. આ દરમિયાન, નાની ઈ બાઇક માટેના ક્લેમ્સ સ્થિર રહ્યા છે. શહેરી ભીડ વચ્ચે ઝડપી અને મજબૂત બાઇકની વધતી માંગ અકસ્માતોનું જોખમ વધારી રહી છે.

ઇલેક્ટ્રિક વાહનનું રિપેરિંગ કામ મોંઘુ છે

ઇલેક્ટ્રિક ટુ-વ્હીલર્સની સંખ્યા ઓછી હોઈ શકે છે, પરંતુ તેમાં વધુ જોખમો હોય છે. પેટ્રોલ બાઇક કરતાં ક્લેમ્સ 18-20 ટકા વધુ છે. સમારકામ ખર્ચ પણ 30-35 ટકા વધારે છે. બેટરી સંબંધિત સમસ્યાઓ અને મોંઘા ભાગો આના મુખ્ય કારણો છે.

મહાનગરોમાં વધુ જોખમ

70થી 75 ટકા ક્લેમ નાના નાના અકસ્માત અને કુદરતી આપદાઓ સાથએ જોડાયેલા છે. 20- 25% દાવા ચોરી અથવા કુલ નુકસાન સાથે સંબંધિત હોય છે. થર્ડ પાર્ટી ક્લેમ્સ ઓછા હોય છે, પરંતુ તેમની કિંમત વધુ હોય છે. સ્ક્રેચ અથવા અથડામણ જેવા નાના અકસ્માતોમાં સરેરાશ 4,000થી 7,000 રૂપિયાનો ખર્ચ થાય છે, પરંતુ ચોરી અથવા કુલ નુકસાનના કિસ્સાઓ વધુ નુકસાનકારક હોય છે.

સૌથી વધુ અકસ્માતો ક્યારે થાય છે?

સવારે 8 થી 10 વાગ્યા અને સાંજે 6 થી 8 વાગ્યાની વચ્ચે સૌથી વધુ ક્લેમ્સ દાખલ કરવામાં આવે છે. આ સમય ટ્રાફિકનો સૌથી વધુ સમય છે. અનુભવી રાઇડર્સ પાસે 25% ઓછા ક્લેમ્સ હોય છે, જે સૂચવે છે કે સાવધાની અને રૂટનું જ્ઞાન પણ એક સારી એવી ભૂમિકા ભજવે છે.

વ્યાપક વીમો શા માટે જરૂરી છે?

પોલિસી બજારના ટુ-વ્હીલર વીમાના વડા માનસ કપૂર કહે છે કે બદલાતી જોખમની ભૂખ વચ્ચે  વીમો જરૂરી છે. એક વ્યાપક પોલિસી નાના અકસ્માતો, તેમજ ચોરી, કુદરતી આફતો અને વધતા સમારકામ ખર્ચ સામે રક્ષણ આપે છે. ઇલેક્ટ્રિક વાહનો માટે આ ખાસ કરીને મહત્વપૂર્ણ છે.