Budget 2024: સૌથી નાનું બજેટ રજૂ કરવાનો રેકોર્ડ આ નાણામંત્રીના નામે, જાણો કોની હતી સરકાર 

સંસદનું ચોમાસુ સત્ર સોમવાર (22 જુલાઈ)થી શરૂ થયું છે. કેન્દ્રીય નાણામંત્રી નિર્મલા સીતારમણ આજે એટલે કે 23મી જુલાઈ 2024ના રોજ નાણાકીય વર્ષ 2024-25 માટે તેમનું સતત સાતમું બજેટ રજૂ કરીને ઈતિહાસ રચવા જઈ રહ્યા છે. બજેટ રજૂ કરતાની સાથે જ તે પૂર્વ વડાપ્રધાન મોરારજી દેસાઈનો રેકોર્ડ તોડી નાખશે. શું તમે જાણો છો કે ભારતીય ઈતિહાસમાં સૌથી ટૂંકું બજેટ ભાષણ આપવાનો રેકોર્ડ કયા નાણામંત્રીના નામે છે? જો નહીં, તો આજે તમને આ વિશે જણાવશું...

વર્ષ 2020માં સૌથી લાંબુ બજેટ ભાષણ આપવાનો રેકોર્ડ નિર્મલા સીતારમણના નામે હતો. જો કે દેશના સૌથી ટૂંકા બજેટ ભાષણની વાત કરીએ તો આ રેકોર્ડ હિરુભાઈ મુલજીભાઈ પટેલના નામે છે. આ વચગાળાનું બજેટ ભાષણ માત્ર 800 શબ્દોનું હતું. તે 1977માં તત્કાલિન નાણામંત્રી હિરૂભાઈ મુલજીભાઈ પટેલ દ્વારા રજૂ કરવામાં આવ્યું હતું. તે સમયે વડાપ્રધાન મોરારજી દેસાઈ હતા, જેઓ ભારતની પ્રથમ બિન-કોંગ્રેસી સરકારનું નેતૃત્વ કરી રહ્યા હતા. જો કે, જો આપણે સૌથી ટૂંકા પૂર્ણ બજેટ ભાષણ વિશે વાત કરીએ, તો તે વાયબી ચવ્હાણનું હતું, જે માત્ર 9300 શબ્દોનું હતું.

બજેટ-2024 પર લોકસભામાં 20 કલાકથી વધુ સમય સુધી ચર્ચા ચાલી શકે છે

તમને જણાવી દઈએ કે બુધવાર (23 જુલાઈ)થી લોકસભામાં બજેટ પર ચર્ચા શરૂ થશે. લોકસભાની બિઝનેસ એડવાઇઝરી કમિટી (BAC)ની બેઠકમાં બજેટ પર ચર્ચા માટે સમય ફાળવવામાં આવ્યો છે. બજેટ પર ચર્ચા કરવા માટે લોકસભામાં 20 કલાકનો સમય રાખવામાં આવ્યો છે. જો કે, વક્તાઓની સંખ્યા અને રાજકીય પક્ષોની વિનંતીને ધ્યાનમાં લેતા, આ ફાળવવામાં આવેલા સમયમાં વધારો થવાની સંભાવના છે. નાણામંત્રી નિર્મલા સીતારમણ 30 જુલાઈએ લોકસભામાં બજેટ પરની ચર્ચાનો જવાબ આપી શકે છે.