ઘઉના ભાવમાં ધરખમ વધારોઃ રિટેલ બજારમાં કિલો દીઠ ભાવ રૂ. 50થી 55 રૂપિયે પહોંચ્યો
ઉપભોક્તા બાબતોના મંત્રાલય દ્વારા 18 ઓગસ્ટના રોજ જાહેર કરવામાં આવેલા આંકડા અનુસાર,
ઉપભોક્તા બાબતોના મંત્રાલય દ્વારા 18 ઓગસ્ટના રોજ જાહેર કરવામાં આવેલા આંકડા અનુસાર, સમગ્ર દેશમાં ઘઉંના છૂટક ભાવ 50 રૂપિયા પ્રતિ કિલો સુધી પહોંચી ગયા છે. સરેરાશ ભાવ રૂ. 30.9 અને લઘુત્તમ ભાવ રૂ. 22 પ્રતિ કિલો નોંધાયો છે.
ભારતમાં તહેવારોની મોસમમાં ઘઉંના ભાવમાં સતત વધારો થઈ રહ્યો છે અને તેની અસર રવિ સિઝનના મુખ્ય પાકના બજાર પર પડી રહી છે. ઉપભોક્તા બાબતોના મંત્રાલય દ્વારા 18 ઓગસ્ટના રોજ જાહેર કરવામાં આવેલા આંકડા અનુસાર, સમગ્ર દેશમાં ઘઉંના છૂટક ભાવ 50 રૂપિયા પ્રતિ કિલો સુધી પહોંચી ગયા છે. સરેરાશ ભાવ રૂ. 30.9 અને લઘુત્તમ ભાવ રૂ. 22 પ્રતિ કિલો નોંધાયો છે.
આ વર્ષે ઘઉંના ભાવમાં ઘણી વધઘટ જોવા મળી છે. કેન્દ્રીય કૃષિ મંત્રાલયે 1થી 14 ઓગસ્ટની વચ્ચે ખેડૂતોને ઘઉંનો જથ્થાબંધ ભાવ 2518 રૂપિયા પ્રતિ ક્વિન્ટલ જણાવ્યો છે. જોકે, વિવિધ રાજ્યોમાં ઘઉંના ભાવમાં તફાવત છે. કર્ણાટકમાં ઘઉંની જથ્થાબંધ કિંમત 3302 રૂપિયા પ્રતિ ક્વિન્ટલ હતી, જે ગયા વર્ષની સરખામણીમાં 8.78 ટકા ઓછી છે.
જ્યારે મહારાષ્ટ્રમાં ઘઉંનો ભાવ પ્રતિ ક્વિન્ટલ રૂ. 2939.82 છે, જે ગયા વર્ષના રૂ. 3450.22 પ્રતિ ક્વિન્ટલ કરતાં 14.79 ટકા ઓછો છે. રાષ્ટ્રીય સરેરાશ મુજબ આ વર્ષે ઘઉંના ભાવમાં 5.19 ટકાનો વધારો થયો છે. ગયા વર્ષે ઘઉંનો ભાવ 2393.43 રૂપિયા પ્રતિ ક્વિન્ટલ હતો, જ્યારે આ વર્ષે તે 2517.71 રૂપિયા પ્રતિ ક્વિન્ટલ થયો છે.
ઘઉંના લોટના ભાવ પર પણ અસર પડી છે. 18 ઓગસ્ટ, 2024ના રોજ ઘઉંના લોટની મહત્તમ કિંમત 65 રૂપિયા પ્રતિ કિલોએ પહોંચી હતી. સરેરાશ ભાવ રૂ. 35.78 અને લઘુત્તમ ભાવ રૂ. 28 પ્રતિ કિલો છે. વિવિધ રાજ્યોમાં લોટની કિંમત પણ અલગ-અલગ છે, જેમ કે દિલ્હીમાં રૂ. 32 પ્રતિ કિલો, જમ્મુ અને કાશ્મીરમાં રૂ. 41.5, હરિયાણામાં રૂ. 33.33 અને મહારાષ્ટ્રમાં રૂ. 43.53 પ્રતિ કિલો છે.
બજારોમાં ઘઉંની આવકમાં પણ ઘટાડો જોવા મળ્યો છે. કૃષિ મંત્રાલયના આંકડા અનુસાર, 1 થી 14 ઓગસ્ટ સુધીમાં ઘઉંની આવકમાં 13 ટકાનો ઘટાડો થયો છે. આ સમયગાળા દરમિયાન કુલ 4,78,658 ટન ઘઉંનું આગમન થયું હતું જ્યારે ગયા વર્ષના સમાન સમયગાળામાં 5,51,728 ટન ઘઉંનું વેચાણ થયું હતું.
ઘઉંની આવક ઉત્તર પ્રદેશમાં સૌથી વધુ છે, જ્યાં ઓગસ્ટના પ્રથમ બે સપ્તાહમાં 2,78,144 ટન ઘઉંનું વેચાણ થયું હતું. જે ગયા વર્ષની સરખામણીમાં 9 ટકા વધુ છે. જોકે, મધ્યપ્રદેશમાં ઘઉંની આવકમાં 26 ટકાનો ઘટાડો થયો છે. આ વર્ષે રાજ્યમાં 1,65,347 ટન ઘઉંનું આગમન થયું હતું જ્યારે ગયા વર્ષે તે 2,22,931 ટન હતું. રાજસ્થાન અને મહારાષ્ટ્રમાં પણ ઘઉંની આવકમાં મોટો ઘટાડો જોવા મળ્યો છે, જ્યાં અનુક્રમે 57 ટકા અને 72 ટકાનો ઘટાડો થયો છે.
