Stock Market: પશ્ચિમ એશિયાના તણાવથી પાંચમાં દિવસે પણ બજાર તૂટ્યુંઃ સેન્સેક્સ 332, નિફ્ટી 102 પોઇન્ટ ઘટ્યો
છેલ્લું અપડેટ : 24 Jul 2026
ભારતીય શેરબજારમાં શુક્રવારે પણ ઘટાડાનો સિલસિલો ચાલુ રહ્યો હતો. સેન્સેક્સ અને નિફ્ટી સતત પાંચમા ટ્રેડિંગ સેશનમાં લાલ નિશાનમાં બંધ થયા છે, જે જાન્યુઆરીના પ્રથમ સપ્તાહ પછીનો સૌથી લાંબો ઘટાડો છે. ક્રૂડ ઓઈલના વધતા ભાવ, ફુગાવો (મોંઘવારી) અને આર્થિક વૃદ્ધિ અંગે વધતી ચિંતાઓની અસર બજારના સેન્ટિમેન્ટ પર જોવા મળી હતી.
બીએસઈ સેન્સેક્સ 332 પોઈન્ટ અથવા 0.43 ટકા ઘટીને 76,059.77 પર બંધ થયો હતો. જ્યારે નિફ્ટી 50 પણ 102.15 પોઈન્ટ અથવા 0.43 ટકા તૂટીને 23,767.45 ના સ્તર પર બંધ થયો હતો. મિડકેપ ઇન્ડેક્સ 63 પોઇન્ટ ઘટીને 61,622 પર બંધ થયો હતો. ફાઇનાન્સિયલ અને આઇટી શેરોમાં નીચલા સ્તરોથી સારી રિકવરી જોવા મળી હતી, જેના કારણે નિફ્ટી બેન્ક વધારા સાથે બંધ થયો હતો.
ઓટો શેરોમાં પ્રોફિટ બુકિંગ જોવા મળ્યું હતું અને નોન-બેન્કિંગ ફાઇનાન્સિયલ કંપનીઓ પર પણ દબાણ રહ્યું હતું. સ્પર્ધા વધવાના સમાચારો વચ્ચે એટરનલ અને સ્વિગીના શેરોમાં ઘટાડો નોંધાયો હતો.
શ્રીરામ ફાઇનાન્સના પરિણામો મિશ્ર રહ્યા હતા અને તેનો શેર 2% નીચો બંધ થયો હતો. આઇટી શેરોમાં ખરીદારી વચ્ચે એચસીએલ ટેક અને વિપ્રો નિફ્ટીમાં સૌથી વધુ વધારો દર્શાવનારા શેર રહ્યા હતા.
ઓટો સેક્ટર સૌથી વધુ તૂટ્યુંસેક્ટોરલ ઇન્ડેક્સની વાત કરીએ તો, નિફ્ટી ઓટો ઇન્ડેક્સ આશરે 1 ટકા ઘટીને સૌથી નબળો દેખાવ કરનારો સેક્ટર રહ્યો હતો. આ ઉપરાંત રિયલ્ટી અને ફાર્મા સેક્ટરમાં પણ વેચવાલી જોવા મળી હતી. બીજી તરફ આઈટી અને મીડિયા સેક્ટરે સાપેક્ષ રીતે સારો દેખાવ કર્યો હતો.
નિફ્ટી માટે મહત્વના સપોર્ટ અને રેઝિસ્ટન્સ
એસબીઆઇ સિક્યોરિટીઝના હેડ (ટેકનિકલ એન્ડ ડેરિવેટિવ્ઝ રિસર્ચ) સુધીપ શાહના જણાવ્યા અનુસાર, આગામી દિવસોમાં નિફ્ટી માટે 23,650-23,600નું સ્તર મહત્વનું સપોર્ટ રહેશે.
જો નિફ્ટી આ સ્તરની નીચે ટકે છે, તો ઘટાડો વધીને 23,450 અને ત્યારબાદ 23,300 સુધી જઈ શકે છે. બીજી તરફ, ઉપરની તરફ 23,950 થી 24,000ની રેન્જ તાત્કાલિક રેઝિસ્ટન્સ માનવામાં આવી રહી છે.
બજાર પર દબાણ જળવાઈ રહી શકે છે
જિયોજિત ઇન્વેસ્ટમેન્ટ્સના રિસર્ચ હેડ વિનોદ નાયરનું કહેવું છે કે નજીકના ભવિષ્યમાં બજાર પર દબાણ જળવાઈ રહી શકે છે. જો ક્રૂડ ઓઇલના ભાવ ઊંચા સ્તરે રહેશે, તો તેની અસર ફુગાવા (મોંઘવારી), આર્થિક વિકાસ અને અન્ય મુખ્ય આર્થિક સંકેતો પર પડી શકે છે.
તેમણે જણાવ્યું કે, યુએસ (અમેરિકા) માં 10-વર્ષની બોન્ડ યીલ્ડ 52 સપ્તાહની ઊંચી સપાટીએ પહોંચી ગઈ છે. આનાથી ફુગાવા અને વ્યાજ દરોને લઈને રોકાણકારોની ચિંતા વધી છે. આ સિવાય અમેરિકાની નવી આયાત જકાત (ટેરિફ) નીતિ પણ વૈશ્વિક બજારો માટે ચિંતાનું કારણ બનેલી છે. જો કે, બહેતર વેલ્યુએશન અને મજબૂત ક્રેડિટ ગ્રોથની આશાને કારણે બેન્કિંગ સેક્ટરે બજારની તુલનામાં સારો દેખાવ કર્યો હતો.
ફાઇનાન્સિયલ સેક્ટર નિફ્ટીમાં સૌથી વધુ ઘટતા શેરોમાં સામેલ રહ્યા. નિફ્ટી અને સેન્સેક્સ બંને 2.5% ઘટ્યા, નિફ્ટી બેન્ક 3% કરતા વધુ તૂટ્યો.મિડકેપ ઇન્ડેક્સ 1% કરતા વધુ ઘટ્યો, રિયલ્ટી ઇન્ડેક્સ સૌથી વધુ 4% તૂટ્યો. એચડીએફસી બેન્ક, એક્સિસ બેન્ક, ઇન્ફોસિસ, ઇન્ડિગો, ડૉ. રેડ્ડીઝ લેબોરેટરીઝ, અદાણી એન્ટરપ્રાઇઝિસ નિફ્ટીમાં સૌથી વધુ ઘટતા શેર રહ્યા.
બજાજ ઓટો, એચસીએલ, એસબીઆઇ લાઇફ, ટ્રેન્ટ, પાવર ગ્રીડ, એનટીપીસી નિફ્ટીમાં સૌથી વધુ ઘટતા શેર રહ્યા. બંધન બેન્ક, મોતીલાલ ઓસવાલ, ઓએફએસએસ, સ્વિગી મિડકેપમાં સૌથી વધુ ઘટતા શેર રહ્યા. મણપ્પુરમ, ટીવીએસ મોટર, એસ્ટ્રલ, યુએસએલ મિડકેપમાં સૌથી વધુ વધારો દર્શાવનારા શેર રહ્યા.
