શેરબજારમાં સ્માર્ટ રીકવરીઃ સેન્સેક્સે 445 પોઇન્ટ ઉછળીને 80,000ની સપાટી વટાવી

રિલાયન્સ ઇન્ડસ્ટ્રીઝ, ઇન્ફોસિસ અને એચડીએફસી બેન્કના બ્લુ-ચિપ શેર્સમાં ખરીદી વચ્ચે, સપ્તાહના પ્રથમ ટ્રેડિંગ દિવસે સોમવારે ભારતીય શેરબજારો સતત બીજા સત્રમાં વધારા સાથે બંધ થયા હતા. અમેરિકન બજારોમાં મજબૂતીથી સ્થાનિક શેરબજારને પણ ટેકો મળ્યો છે. બેન્ચમાર્ક ઇન્ડેક્સ, સેન્સેક્સ તેના પ્રારંભિક ઘટાડામાંથી પાછો ફર્યો અને લગભગ 446 પોઇન્ટ ચઢ્યો અને ફરી એકવાર 80 હજારને પાર કરી ગયો. નિફ્ટી 50માં ઉછાળો જોવા મળ્યો હતો.

આ પણ વાંચો: 28 પૈસાનો શેર થયો 10 રૂપિયાનો, લોકો ધડાધડ આ સ્ટોકમાં કરી રહ્યા છે રોકાણ

બીએસઇના 30 શેરો વાળા પ્રમુખ ઈન્ડેક્સ સેન્સેક્સ 445.29 પોઈન્ટ અથવા 0.56 ટકાના વધારા સાથે 80,248.08ના સ્તર પર બંધ થયા છે. અગાઉ, ઇન્ડેક્સ પ્રારંભિક કારોબારમાં 493.84 પોઇન્ટ ઘટીને 79,308.95 પોઇન્ટ થયો હતો. ટ્રેડિંગ દરમિયાન એક સમયે સેન્સેક્સ 80,337.82ની ઊંચાઈએ પહોંચ્યો હતો.

બીજી તરફ, નેશનલ સ્ટોક એક્સચેન્જ (એનએસઇ) નો નિફ્ટી 50 144.95 પોઈન્ટ અથવા 0.6 ટકાની મજબૂતી સાથે 24,276.05 પર બંધ થયો હતો. આજે નિફ્ટીએ 24,008.65 અને 24,301.70ની રેન્જમાં ટ્રેડિંગ કર્યું હતું.

સેન્સેક્સના ટોપ ગેઇનર્સ

સેન્સેક્સના 30માંથી 21 શેરો લીલા નિશાન સાથે બંધ રહ્યા હતાં. અલ્ટ્રાટેક સિમેન્ટ, જેએસડબલ્યુ સ્ટીલ, અદાણી પોર્ટ્સ, ટેક મહિન્દ્રા અને ટાઇટન સેન્સેક્સમાં ટોપ-5 ગેઇનર્સ હતા. આ ઉપરાંત મારુતિ, એમએન્ડએમ, સન ફાર્મા, ટાટા સ્ટીલ, રિલાયન્સ, એચસીએલ ટેક, ઈન્ફોસીસ, બજાજ ફાઈનાન્સ, બજાજ ફિનસર્વ, ભારતી એરટેલ, નેસ્લે ઈન્ડિયા, ટાટા મોટર્સ, એચડીએફસી બેંક, આઈસીઆઈસીઆઈ બેંક, એક્સિસ બેંક અને આઈટીસીના શેર પણ વધ્યા હતા. 

સેન્સેક્સ ટોપ લુઝર્સ

બીજી તરફ સેન્સેક્સના 30માંથી 9 શેર લાલ નિશાનમાં બંધ થયા છે. એનટીપીસી, કોટક બેંક, એચયુએલ, ઇન્ડસઇન્ડ બેંક અને પાવર ગ્રીડ સેન્સેક્સના ટોપ 5 લુઝર હતા. આ સિવાય એલએન્ડટી, એસબીઆઈ, એશિયન પેઈન્ટ્સ અને ટીસીએસના શેર પણ ખોટમાં રહ્યા હતા.

આ પણ વાંચો: ઓઇલ કંપનીઓએ ATFના ભાવમાં કર્યો વધારો, હવાઈ મુસારીના ભાડામાં ધરખમ ઉછાળો

શું છેલ્લા સત્રમાં બજાર મોમેન્ટમ પર પાછું આવ્યું હતું?

છેલ્લા ટ્રેડિંગ સેશનમાં એટલે કે શુક્રવારે ભારતીય શેરબજાર તેની ભવ્યતામાં પરત ફર્યું હતું. હેલ્થકેર અને ફાર્મા શેરોના કારણે બજારમાં તેજી જોવા મળી હતી. આ સાથે રિલાયન્સ અને ભારતી એરટેલના શેરમાં વધારાથી પણ બજારને નવું જોમ મળ્યું છે. બીએસઇ સેન્સેક્સ 759.05 પોઈન્ટ અથવા 0.96 ટકાના વધારા સાથે 79,802.79ના સ્તર પર બંધ થયો. એનએસઇ નિફ્ટી 50 216.95 પોઈન્ટ અથવા 0.91 ટકા મજબૂત થઈને 24,131.10 પર હતો.