Sensex today: GST સુધારાના સમાચારથી બજારે રાહતનો શ્વાસ લીધોઃ ભારે વોલેટાલિટીના અંતે બજારો સપાટ બંધ રહ્યા
છેલ્લું અપડેટ : 05 Sept 2025
Sensex today: આજે સેન્સેક્સ ભારે ચડાવ-ઉતારની વચ્ચે સાત પોઇન્ટ ઘટીને 80710 પોઇન્ટ પર બંધ રહ્યો હતો. જ્યારે નિફ્ટી સાત પોઇન્ વધીને 24741ની સપાટીએ બંધ રહ્યો હતો. સાપ્તાહિક આધાર પર સેન્સેકસમાં 1.3 ટકા અને નિફ્ટીમાં 1.1 ટકાનો વધારો થયો હતો.
આજે સેન્સેક્સ અને નિફ્ટી બંને આગલા સ્તરની લગલગ જ બંધ રહ્યા હતા. બજારમાં આજે એફએમસીજી અને ઓટો સેક્ટર તરફથી દબાણ હતું.
ઓટો સેક્ટર ઇન્ડેક્સ 5.5 ટકા વધ્યો હતો અને મહીન્દ્રા એન્ડ મહીન્દ્રા 11.3 ટકા વધીને ટોપ ગેનર બન્યો હતો. સેક્ટરલ ઇન્ડેક્સમાં ધાતુઓમાં 5.8 ટકાનો ઉછાળો આવ્યો, જ્યારે આઈટીમાં 1.6%નો ઘટાડો થયો. ડોલર સામે રૂપિયો 88.36ના રેકોર્ડ નીચા સ્તરે પહોંચ્યો. વૈશ્વિક બજારોમાં પણ સકારાત્મક વલણ જોવા મળ્યું, જ્યાં યુરોપ, અમેરિકા અને એશિયાના મુખ્ય સૂચકાંકો લીલા નિશાનમાં હતા.
આ સપ્તાહમાં ઓટો ઈન્ડેક્સ ટોચ પર છે
નાની કાર, મોટરસાઇકલ, બસ, ટ્રક અને એમ્બ્યુલન્સ પરના ટેક્સ દર 28 ટકાથી ઘટાડીને 18 ટકા કરવામાં આવતા આ અઠવાડિયે ઓટોમોબાઇલ ટેક્સ 5.5 ટકા વધ્યો. મહિન્દ્રા એન્ડ મહિન્દ્રા સૌથી વધુ 11.3 ટકા વધીને બંધ રહ્યો. મહિન્દ્રાના શેર માટે આ 15 મહિનામાં શ્રેષ્ઠ સપ્તાહ હતું અને નિફ્ટીમાં સૌથી વધુ વૃદ્ધિ કરનાર તરીકે ઉભરી આવ્યો.
આ અઠવાડિયે, આઇટી ઈન્ડેક્સ સિવાયના તમામ 15 ક્ષેત્રીય ઈન્ડેક્સ સાપ્તાહિક ધોરણે લીલા નિશાનમાં બંધ થવામાં સફળ રહ્યા. જોકે, યુએસ ટેરિફ ચિંતાઓને કારણે આઇટી ઇન્ડેક્સમાં 1.6%નો ઘટાડો થયો.
ચીન તરફથી પ્રસ્તાવિત સ્ટીલ ઉત્પાગન કાપની યોજનાઓથી સંભવિત લાભની આશાએ મેટલ સેક્ટરમાં 5.8 ટકાની તેજી જોવા મળી હતી. તે જ સમયે, જીએસટી રાહતથી ગ્રાહક અને ગ્રાહક ટકાઉ વસ્તુઓ ક્ષેત્રોને ટેકો મળ્યો. આના કારણે, તેઓએ અનુક્રમે 2.6% અને 3.2%ની વૃદ્ધિ નોંધાવી. આ ઉપરાંત, વ્યાપક બજારમાં, સ્મોલ-કેપ અને મિડ-કેપ ઇન્ડેક્સમાં પણ લગભગ 2.5%ની મજબૂતી જોવા મળી.
છેલ્લા પાંચ સેશનમાં 2.7 ટકાની તેજી નોંધાવનારા કન્ઝ્યુમર શેરોમાં શુક્રવારે 1.4 ટકાનો ઘટાડો નોંધાયો હતો. આ ઘટાડાનું મુખ્ય કારણ આઇટીસીના શેરમાં 2.1%નો ઘટાડો હતો. આ અહેવાલ પછી આવ્યું છે કે સરકાર 40 ટકા GST વળતર સેસ સમાપ્ત થયા પછી તમાકુ ઉત્પાદનો પર નવો કર લાદી શકે છે. આ અઠવાડિયે રોકાણકારોની સંપત્તિમાં રૂપિયા 7.27 લાખ કરોડનો વધારો થયો છે.
આ અઠવાડિયે બજારમાં રોકાણકારોએ રૂપિયા 7.26 લાખ કરોડથી વધુનો ફાયદો મેળવ્યો છે. આ અઠવાડિયે (5 સપ્ટેમ્બર-9 સપ્ટેમ્બર) બીએસઈ પર લિસ્ટેડ કંપનીઓનું માર્કેટ કેપ વધીને રૂ. 4,51,44,090 કરોડ થયું. ગયા અઠવાડિયે શુક્રવારે (3 સપ્ટેમ્બર) તે રૂ. 4,51,44,090 કરોડ હતું. આમ, બીએસઈ પર લિસ્ટેડ કંપનીઓનું માર્કેટ કેપ સાપ્તાહિક ધોરણે રૂ. 726,957 કરોડ વધ્યું છે.
નિફ્ટી ટેકનિકલ આઉટલૂક
સેન્ટ્રમ બ્રોકિંગ લિમિટેડના ટેકનિકલ અને ડેરિવેટિવ્ઝ રિસર્ચના વડા નિલેશ જૈને જણાવ્યું હતું કે, “બજારમાં મજબૂત રિકવરી જોવા મળી છે. નિફ્ટી તેના 21-ડેઇલી મુવિંગ એવરેજ-ડીએમએ (લગભગ 24,700)ની ઉપર બંધ થવામાં સફળ રહ્યો. જોકે, તાજેતરની તેજીને 50-ડીએમએ (લગભગ 24,980) ની નજીક પ્રતિકારનો સામનો કરવો પડ્યો, જે ઇન્ડેક્સ પર સપ્રમાણ ત્રિકોણ પેટર્નની ઉપરની સીમા સાથે મેળ ખાય છે.
તેમણે જણાવ્યું કે અપટ્રેન્ડની નવી શરૂઆત માટે નિફ્ટીનું 25,000થી ઉપરના સ્તરે બ્રેક આઉટ કરવું અનિવાર્ય છે. જો આ સ્તર પાર કરી શકાય તો ઇન્ડેક્સમાં તેજીનું આગલું લક્ષ્ય 25,300 અને ત્યારબાદ 25,500 હોઇ શકે છે. નીચેની તરફ નજીકનો સપોર્ટ તાજેતરના સ્વિંગ લો 24520 પર છે. એકંદરે નિફ્ટી આવનારા સપ્તાહમાં 24,400થી 25000ની મર્યાદિત રેન્જમાં કન્સોલિડેટ થઇ શકે છે.
