RBI MPC Meeting: સતત દસમી વખત RBIએ રેપો રેટમાં કોઈ ફેરફાર કર્યો નથી, જાણો વિગતો

રિઝર્વ બેંક ઓફ ઈન્ડિયાની મોનેટરી પોલિસી કમિટીએ પોલિસી વ્યાજ દરોમાં કોઈ ફેરફાર કર્યો નથી. MPC 51મી બેઠકમાં ચર્ચા બાદ રેપો રેટ 6.5% પર યથાવત રાખવામાં આવ્યો હતો. આરબીઆઈ ગવર્નર શક્તિકાંત દાસે ગુરુવારે ત્રણ દિવસની એમસીસી બેઠક બાદ આ જાહેરાત કરી હતી. તમામ MPC સભ્યો વલણને તટસ્થ રાખવા સંમત થયા.

7 ઓક્ટોબરે શરૂ થયેલી MPC મીટિંગ પર બજારનું ધ્યાન કેન્દ્રિત રહ્યું હતું, કારણ કે સેન્ટ્રલ બેંકે છેલ્લી સળંગ નવ મીટિંગમાં રેપો રેટ 6.50 ટકા પર સ્થિર રાખ્યો હતો. અગાઉની બેઠકોમાં, આરબીઆઈએ આર્થિક વૃદ્ધિની જરૂરિયાત સાથે ફુગાવાની ચિંતાઓને સંતુલિત કરવા માટે સાવચેતીભર્યો અભિગમ અપનાવ્યો હતો. આ વખતે MPC જે મુખ્ય પરિબળો પર વિચારણા કરી રહ્યું હતું તેમાં સતત વધતા ફુગાવાના દબાણ, ખાસ કરીને ખાદ્યપદાર્થોના ભાવો તેમજ વૈશ્વિક આર્થિક અનિશ્ચિતતાઓનો સમાવેશ થાય છે.