માત્ર રૂપિયા 1,850 માં ઉડાન ભરો! એર ઈન્ડિયા એક્સપ્રેસ પેડે સેલ શરૂ, સ્થાનિક અને આંતરરાષ્ટ્રીય રૂટ પર ભારે ડિસ્કાઉન્ટની ઓફર
છેલ્લું અપડેટ : 29 Dec 2025
એર ઈન્ડિયા એક્સપ્રેસે સોમવારે મુસાફરોને ખુશખબર આપ્યા છે. કંપનીએ પોતાની માસિક પે ડે સેલની શરૂઆત કરી છે. આ વેચાણ હેઠળ, દેશની અંદર મુસાફરી કરનારાઓ માટે ડોમેસ્ટિક ફ્લાઇટ ટિકિટ રૂ. 1,950થી શરૂ થાય છે, જ્યારે વિદેશ પ્રવાસ કરવાની યોજના ધરાવતા મુસાફરો માટે આંતરરાષ્ટ્રીય ફ્લાઇટ ભાડા રૂ. 5,590 થી શરૂ થાય છે.
આ ખાસ ભાડા પર ટિકિટો એરલાઈનની સત્તાવાર વેબસાઇટ www.airindiaexpress.com, મોબાઇલ એપ્લિકેશન અને તમામ મુખ્ય બુકિંગ પ્લેટફોર્મ દ્વારા 1 જાન્યુઆરી, 2026 સુધી બુક કરાવી શકાય છે.
એરલાઇન હળવા સામાન સાથે મુસાફરી કરતા મુસાફરો માટે "લાઇટ ફેર" વિકલ્પ પણ પ્રદાન કરે છે, જેમાં ચેક-ઇન સામાનનો સમાવેશ થતો નથી. લાઇટ ફેર હેઠળ ટિકિટ સ્થાનિક રૂટ પર ₹1,850 થી શરૂ થાય છે અને આંતરરાષ્ટ્રીય રૂટ પર ₹5,355 થી ઉપલબ્ધ છે.
આ ડિસ્કાઉન્ટેડ ભાડા ઘરેલુ મુસાફરી માટે 12 જાન્યુઆરીથી 10 ઓક્ટોબર, 2026 સુધી અને આંતરરાષ્ટ્રીય મુસાફરી માટે 12 જાન્યુઆરીથી 31 ઓક્ટોબર, ૨૦૨૬ સુધી માન્ય રહેશે.
આ વેચાણ સાથે સંકળાયેલા વધુ ફાયદાઓ છે
એર ઇન્ડિયા એક્સપ્રેસે ગ્રાહકોને આકર્ષવા માટે ઘણાં ફાયદા જોડ્યા છે. એર ઇન્ડિયા એક્સપ્રેસ મોબાઇલ એપ દ્વારા કરવામાં આવતી તમામ બુકિંગ પર શૂન્ય સુવિધા શુલ્ક ઓફર કરી રહી છે. વેબસાઇટ પર નેટ બેંકિંગ દ્વારા કરવામાં આવતી ચુકવણી માટે કોઈ વધારાના શુલ્ક પણ લેવામાં આવશે નહીં.
લાઇટ ફેર પસંદ કરનારા મુસાફરોને ચેક-ઈન સામાન પર ડિસ્કાઉન્ટ પણ મળશે. ડોમેસ્ટિક ફ્લાઇટ્સ પર 15 કિલો સામાન માટે ₹1,500 અને ઈન્ટરનેશનલ ફ્લાઇટ્સ પર 20 કિલો સામાન માટે ₹2,500 ફી નક્કી કરવામાં આવી છે.
એરલાઈનની વેબસાઇટ પર લોયલ્ટી મેમ્બર્સ માટે પણ વિશેષ ઓફર ઉપલબ્ધ છે, આમાં બિઝનેસ ક્લાસના ભાડા પર 25 ટકા સુધીનું ડિસ્કાઉન્ટ, સુધારેલ લેગરૂમ, મફત 'ગોરમેર' ગરમ ભોજન, વધારાનું ચેક-ઈન સામાન ભથ્થું અને 'એક્સપ્રેસ અહેડ' પ્રાથમિકતા સેવાઓનો સમાવેશ થાય છે.
આ ઉપરાંત ટાટા ન્યૂપાસ રિવોર્ડ્સ પ્રોગ્રામના સભ્યોને એરલાઈનની વેબસાઇટ અને મોબાઇલ એપ્લિકેશન દ્વારા બુકિંગ પર 250 રૂપિયા સુધીનું વધારાનું ડિસ્કાઉન્ટ મળશે. વિદ્યાર્થીઓ, વરિષ્ઠ નાગરિકો, સશસ્ત્ર દળોના સભ્યો અને તેમના આશ્રિતો માટે વેબસાઇટ અને એપ પર ખાસ રાહત દરે ભાડા અને સુવિધાઓ પણ ઓફર કરવામાં આવી રહી છે.
એર ઈન્ડિયા એક્સપ્રેસ દરરોજ 500થી વધુ ફ્લાઇટ્સનું સંચાલન કરે છે, જે દેશના 45 સ્થાનિક અને 16 આંતરરાષ્ટ્રીય સ્થળોને જોડે છે. એરલાઇનના કાફલામાં 100 થી વધુ બોઇંગ 737 અને એરબસ A320 વિમાનોનો સમાવેશ થાય છે.