મેન્યુઅલ કાર ચલાવતી વખતે ન કરો આ ભૂલો, એન્જિન ડેમેજ થવાની સાથે ઘટી શકે છે માઈલેજ

ભારતમાં હજુ પણ મેન્યુઅલ ટ્રાન્સમિશનવાળા વાહનોને સૌથી વધુ પસંદ કરવામાં આવે છે. લોકો કહે છે કે MT કાર ચલાવવાનો અનુભવ અલગ છે. જો કે, મેન્યુઅલ કાર ચલાવતી વખતે કેટલીક બાબતોનું ધ્યાન રાખવું ખૂબ જ જરૂરી છે, જે ચોક્કસપણે તમારા ડ્રાઇવિંગ અનુભવને સુધારશે અને તમારી કાર વધુ ફ્યૂલ એફિશિયન્ટ પણ બનશે. 

ક્લચ પર પગ ન રાખો

ઘણા લોકોની આદત હોય છે કે જ્યારે તેમને ક્લચ દબાવવાની જરૂર નથી હોતી ત્યારે પણ તેઓ તેમનો ડાબો પગ ક્લચ પર રાખે છે. લાંબા સમય સુધી ક્લચ પર લગાવવા આવેલ આ થોડું દબાણ પણ તેને નુકસાન પહોંચાડી શકે છે. આના કારણે, ક્લચ ઝડપથી બગડશે અને તમારે તેને બદલવું પડશે.

ગિયર શિફ્ટિંગનું ધ્યાન રાખો

જ્યારે તમારે રેડ સિગ્નલ પર ઉભું રહેવું પડે, ત્યારે કારને ન્યુટ્રલમાં નાખીને અને ક્લચ છોડો. જ્યારે લાઈટ ગ્રીન થઈ જાય છે, ત્યારે માત્ર થોડી સેકન્ડ બચાવવા માટે કારને પ્રથમ ગિયરમાં મૂકવી બિલકુલ યોગ્ય નથી. આનાથી તમારા ગિયર અને ક્લચ પર બિનજરૂરી અસર પડે છે.

RPM સમજો

જ્યારે તમે મેન્યુઅલ કાર ચલાવો છો, ત્યારે યોગ્ય સમયે ગિયર બદલવું એ મહત્ત્વનું છે આમ કરવાથી વાહનની લાઈફ વધે છે. આ ઉપરાંત, એન્જિનની હેલ્થ અને ફ્યૂલ એફિશિયન્સી પણ સુધરે છે. સામાન્ય નિયમ એ છે કે ગિયર્સ 2,500 અને 3,000 RPM (Revolutions Per Minute) વચ્ચે બદલાવા જોઈએ. જો કે આ પ્રેક્ટિસ તમને શરૂઆતમાં થોડી પરેશાન કરી શકે છે, સમય જતાં તમારે RPM જોવાની પણ જરૂર નહીં પડે. એકવાર તમે અનુભવ મેળવી લો તે પછી, વાહનનો અવાજ તમને કહેશે કે ગિયર્સ બદલવાનો યોગ્ય સમય ક્યારે છે.