ભારતીય માઈક્રો બ્લોગિંગ પ્લેટફોર્મ Koo બંધ કરવાનો લેવાયો નિર્ણય

ભારતીય સોશિયલ મીડિયા અને માઇક્રો બ્લોગિંગ પ્લેટફોર્મ કૂ હવે બંધ થવા જઈ રહ્યું છે. લગભગ ચાર વર્ષના લાંબા સંઘર્ષ બાદ કૂને બંધ કરવાનો નિર્ણય લેવામાં આવ્યો છે.  Kooને ડેલીહન્ટને હસ્તગત કરવાનું હતું, પરંતુ સોદો સફળ થયો ન હતો. ટાઈગર ગ્લોબલ અને એક્સેલ જેવા મોટા રોકાણકારો પાસેથી $60 મિલિયનથી વધુ ભંડોળ મેળવવા છતાં કૂને બંધ કરવામાં આવી રહ્યું છે.

Kooના સ્થાપક અપ્રેમ્યા રાધાકૃષ્ણ અને મયંક બિડવાટકાએ લિંક્ડિન પર પોસ્ટ કરીને આ માહિતી આપી છે. થોડા દિવસો પહેલા જ કંપનીએ બ્રાઝિલમાં તેની સેવાઓ શરૂ કરી હતી. ભારતીય ઉપરાંત, કૂ અન્ય ઘણી ભાષાઓમાં પણ ઉપલબ્ધ હતું.

Koo ના સ્થાપક અપ્રેમ્યા રાધાકૃષ્ણએ એક LinkedIn પોસ્ટમાં લખ્યું, "અમે ઘણી મોટી ઇન્ટરનેટ કંપનીઓ, જૂથો અને મીડિયા હાઉસ સાથે ભાગીદારીની શોધ કરી, પરંતુ આ વાટાઘાટોએ અમને જોઈતા પરિણામો મળ્યાં નથી. છેલ્લા કેટલાક મહિનાઓથી  Kooમાં છટણી પણ સતત ચાલી રહી છે. ગયા વર્ષે એપ્રિલમાં  Kooએ તેના એક તૃતીયાંશ કર્મચારીઓને છૂટા કર્યા હતા. આ વાતની પુષ્ટિ કંપનીએ જ કરી હતી. કંપનીના પ્રવક્તાએ કહ્યું હતું કે  Kooએ તેના આશરે 260 કામદારોમાંથી 30% કામદારોને છૂટા કર્યા છે.