WhatsApp યૂઝર્સ માટે આનંદો, ટૂંક સમયમાં આવશે આ નવું ફીચર
છેલ્લા કેટલાક મહિનામાં વોટ્સએપે તેના ઈન્ટરફેસ અને થીમમાં ઘણા ફેરફારો કર્યા છે. હવે તેની નવી ગ્રીન કલર આધારિત થીમ iPhone યૂઝર્સને
છેલ્લા કેટલાક મહિનામાં વોટ્સએપે તેના ઈન્ટરફેસ અને થીમમાં ઘણા ફેરફારો કર્યા છે. હવે તેની નવી ગ્રીન કલર આધારિત થીમ iPhone યૂઝર્સને દેખાવા લાગી છે પરંતુ ઘણા યૂઝર્સ આ ફેરફારથી નાખુશ છે. જો તમે પણ તેમાંથી એક છો અને વોટ્સએપની થીમ તમારા મનપસંદ કલર અનુસાર સેટ કરવા માંગો છો, તો હવે તે શક્ય છે.
મેટા-માલિકીની આ મેસેજિંગ એપ્લિકેશન યૂઝર્સને તેની પસંદગી મુજબ થીમ સેટ કરવાનો ઓપ્શન આપશે. યૂઝર્સને તેમની પસંદગી મુજબ એપ્લિકેશનનો કલર અને ડિઝાઇન સેટ કરવા માટે નવી કસ્ટમાઇઝેશન સુવિધાઓનો લાભ મળશે. જો કે, નવી થીમ કલર ફીચર હજુ પણ ડેવલપમેન્ટ મોડમાં છે અને બીટા યૂઝર્સ માટે પણ ઉપલબ્ધ નથી.
આ રીતે કસ્ટમાઇઝેશન ફીચર કામ કરશે
WABetaInfo એ આ નવા અપડેટ્સ વિશે માહિતી આપી હતી. જેમાં iOS બીટા વર્ઝન માટે WhatsAppમાં ચેટ થીમ્સ અને એક્સેન્ટ કલર કસ્ટમાઇઝેશનના ફેરફારો જણાવવામાં આવ્યા છે. મતલબ કે આવનારા દિવસોમાં યૂઝર્સ એપના થીમ કલર અને ટેક્સ્ટમાં ફેરફાર કરી શકશે.
પાંચ પ્રીસેટ કલર કોમ્બિનેશન મળશે
યૂઝર્સની માંગને ધ્યાનમાં રાખીને એપની થીમ યૂઝર પોતાની પસંદ મુજબ ડિઝાઇન અને કસ્ટમાઇઝ કરે તેવો ઓપ્શન આપવામાં આવશે. જેમાં iPhone યૂઝર્સને 5 પ્રીસેટ કલરમાંથી પસંદ કરવાનો વિકલ્પ મળશે, જેની યાદીમાં લીલો, સફેદ, બ્લૂ, ગુલાબી અને જાંબલી કલરનો સમાવેશ થાય છે. બાદમાં તેમાં વધુ કલર સામેલ કરવામાં આવશે અને iOS પછી એન્ડ્રોઇડ એપમાં આ સુવિધા આપવામાં આવશે.
