Google લાવ્યું આકર્ષક ફીચર, હવે વેબ પેજ સાંભળી શકશે યુઝર્સ, આ રીતે કરો ઉપયોગ

દુનિયામાં કરોડો લોકો છે જે વાંચનનો શોખ ધરાવે છે. તેના ફ્રી ટાઇમમાં તેને પુસ્તકો અને નવલકથાઓ વાંચવી ગમે છે. તમે એવા ઘણા લોકો વિશે જાણતા હશો જેઓ તેમના ફોન, ટેબ અથવા લેપટોપ પર વાંચતા હોય છે. ગૂગલ આવા યુઝર્સ માટે એક નવું ફીચર લાવ્યું છે. જેની મદદથી હવે લખાણ વાંચવા સિવાય તેને સાંભળી પણ શકશો. એન્ડ્રોઇડ યુઝર્સ હવે સંગીત અને પોડકાસ્ટ જેવા વેબપેજ સાંભળી શકશે. ગૂગલ "Listen to this page" નામનું નવું ફીચર લાવ્યું છે.

આ ફીચરની સૌથી મહત્ત્વની વાત એ છે કે તમે તમારા ગેજેટને લોક કર્યા પછી પણ આ ફીચરનો ઉપયોગ કરી શકશો. તમારે ફક્ત ક્રોમ બ્રાઉઝર પર કોઈપણ વેબ પેજ ખોલવું પડશે અને ઓપ્શન પર જાઓ અને "Listen to this page" પસંદ કરો. આ પછી તમે ટેક્સ્ટને વાંચવાને બદલે સાંભળી શકશો.

"Listen to this page" સુવિધા કેવી રીતે કાર્ય કરે છે?

ગૂગલે હાલમાં આ ફીચરને 12 ભાષાઓમાં રોલઆઉટ કર્યું છે. જેમાં અરબી, બંગાળી, ચાઇનીઝ, અંગ્રેજી, ફ્રેન્ચ, જર્મન, હિન્દી, ઇન્ડોનેશિયન, જાપાનીઝ, પોર્ટુગીઝ, રશિયન અને સ્પેનિશ જેવી ભાષાઓનો સમાવેશ થાય છે. આ ફીચરનો ઉપયોગ કરવા માટે સૌથી પહેલા તમારે ગૂગલ ક્રોમ ઓપન કરવું પડશે. તે પછી તમે જે વેબપેજ સાંભળવા માંગો છો તેના પર જાઓ. પછી ઉપરની બાજુએ 'More' બટન પર ક્લિક કરો. આ પછી 'Listen to this page' વિકલ્પ પર ટેપ કરો. તે પછી તમે કામ કરતી વખતે ટેક્સ્ટ સાંભળી શકશો. આ સિવાય તમે તમારી પસંદગી મુજબ ટેક્સ્ટનો અવાજ પણ બદલી શકો છો. બીજી તરફ, iOSમાં પણ તમને “Listen to page” નામથી આ ફીચર મળશે. જે તમે સિરીના અવાજમાં સાંભળી શકશો.

આવા પેજ પર કામ નહીં કરે આ ફીચર 

આ સિવાય આ ફીચર એવા કોઈપણ પેજ પર કામ નહીં કરે જ્યાં તમને Listen to this pageનો વિકલ્પ નહીં મળે. તમને એ જાણીને આનંદ થશે કે તમે તેમાં પ્લે, પોઝ, રીવાઇન્ડ અને ફાસ્ટ ફોરવર્ડ પણ કરી શકો છો. તમે પ્લેબેક સ્પીડ વધારી કે ઘટાડી પણ શકો છો.