VIDEO: AUTO TIPS: ભૂલથી પણ બાઇકમાં ન નંખાવતા આ ટાયર! જાણો ટ્યુબ અને ટ્યુબલેસમાંથી કયું ટાયર આપશે સારી માઇલેજ!
છેલ્લું અપડેટ : 04 Jul 2026
બાઇક ચલાવતી વખતે સુરક્ષા અને આરામ સૌથી મહત્વની બાબત છે અને તેમાં સૌથી મોટી ભૂમિકા તમારી બાઇકના ટાયરની હોય છે. બજારમાં મુખ્યત્વે બે પ્રકારના ટાયર આવે છે - ટ્યુબ અને ટ્યુબલેસ ટાયર. અવારનવાર લોકો એ મૂંઝવણમાં રહે છે કે તેમની બાઇક માટે કયું ટાયર સારું રહેશે. ચાલો જાણીએ કે આ બંનેમાંથી તમારા માટે કયું ટાયર બેસ્ટ હોઈ શકે છે.
ટ્યુબ ટાયરના ફાયદા અને ગેરફાયદા
આ એક જૂની ટેક્નોલોજી છે જેને આપણે વર્ષોથી જોતા આવ્યા છીએ. આ સિસ્ટમમાં બહારના ટાયરની અંદર રબરની એક ટ્યુબ હોય છે જેમાં હવા ભરવામાં આવે છે. આનો સૌથી મોટો ફાયદો એ છે કે તે સ્પોક વ્હીલ્સ (તાર વાળા વ્હીલ) સાથે સરળતાથી ફિટ થઈ જાય છે અને પથરાળ કે અતિશય ખરાબ રસ્તાઓ પર ચાલતી વખતે ઝટકા સહન કરવામાં મદદરૂપ થાય છે. પરંતુ તેનો ગેરફાયદો એ છે કે ખીલી વાગતાં જ ટ્યુબ ફાટી જાય છે.
આવું થતાં જ હવા તરત જ બહાર નીકળી જાય છે, જેના કારણે હાઇ-સ્પીડમાં બાઇકનું સંતુલન બગડી શકે છે અને અકસ્માત થવાનો ભય રહે છે.
ટ્યુબલેસ ટાયરના ફાયદા
આજકાલ આવતી મોર્ડન બાઇક્સમાં સૌથી વધુ ટ્યુબલેસ ટાયરનો જ ઉપયોગ કરવામાં આવી રહ્યો છે. તેના નામ પરથી જ ખબર પડે છે કે તેમાં ટ્યુબ હોતી નથી અને ટાયર પોતે જ રિમ્ચ (Rims) સાથે એટલી મજબૂતાઈથી લોક હોય છે કે હવા બહાર નીકળી શકતી નથી. આનો સૌથી મોટો ફાયદો સુરક્ષા છે; જો મુસાફરી દરમિયાન તેમાં કોઈ ખીલી કે અણીદાર વસ્તુ વાગી જાય, તો હવા અચાનક બહાર નથી નીકળતી પરંતુ ધીમે-ધીમે લીક થાય છે.
આવી સ્થિતિમાં, તમે અટક્યા વગર તમારી બાઇકને ઘણા કિલોમીટર દૂર સુધી ચલાવીને લઈ જઈ શકો છો, જેથી તમારે તેને ટો (Toe) કરવા કે ધક્કો મારવાની મહેનત કરવી પડતી નથી.
કયું બેસ્ટ છે અને કેમ?
જો સુરક્ષા, સુવિધા અને પરફોર્મન્સની વાત કરીએ તો બાઇક માટે Tubeless Tyre જ સૌથી બેસ્ટ છે. તે પંચર થવા છતાં પણ ગાડીનું સંતુલન બગડવા નથી દેતું, જેથી તમે અકસ્માતોથી બચી જાવ છો. બીજું કારણ તેનું મેન્ટેનન્સ છે; ટ્યુબલેસ ટાયરનું પંચર બનાવવા માટે વ્હીલને બાઇકમાંથી બહાર કાઢવાની જરૂર નથી પડતી અને પંચર કીટની મદદથી માત્ર ૨ મિનિટમાં તેને ઠીક કરી શકાય છે.
આ ઉપરાંત, ટ્યુબ ન હોવાને કારણે આ ટાયર વજનમાં હલકા હોય છે, જેનાથી બાઇકની માઇલેજ પણ સારી મળે છે અને વ્હીલ પણ ઓછું ગરમ થાય છે.
