VIDEO: Auto/ પેટ્રોલ-ડિઝલના સંકટ વચ્ચે માત્ર 50 હજાર રૂપિયામાં ઈલેક્ટ્રિક સ્કૂટર અને મોટરસાયકલ!
છેલ્લું અપડેટ : 27 Mar 2026
ઓલા ઇલેક્ટ્રિકે 'આપત્તિમાં અવસર' કહેવતને સાર્થક કરતા પોતાના #EndICEAge કેમ્પેઈનને વધુ આક્રમક રીતે લાગુ કર્યું છે અને ગ્રાહકો માટે અનેક ફાયદાઓની જાહેરાત કરી છે. ઓલા ઇલેક્ટ્રિક 31 માર્ચ સુધી આ અભિયાન હેઠળ માત્ર પોતાના ઇલેક્ટ્રિક સ્કૂટર અને મોટરસાયકલની કિંમતોમાં જ તોતિંગ ઘટાડો નથી કરી રહી, પરંતુ ગ્રાહકોને સર્વિસ ટ્રસ્ટ ગેરંટી અને રીસેલ વેલ્યુની સાથે 8 વર્ષની એક્સટેન્ડેડ વોરંટી પણ ઓફર કરી રહી છે. આ સ્થિતિમાં ઓલા ઇલેક્ટ્રિક સ્કૂટર અને મોટરસાયકલની શરૂઆતી એક્સ-શોરૂમ કિંમત માત્ર 49,999 રૂપિયા થઈ ગઈ છે.
પેટ્રોલ સ્કૂટર-બાઈક કરતા અડધી કિંમત
તમને જાણીને નવાઈ લાગશે કે ઓલા ઇલેક્ટ્રિકે તેના બે સૌથી લોકપ્રિય સ્કૂટર અને મોટરસાયકલ મોડલ્સની શરૂઆતી કિંમત ઘટાડીને માત્ર 49,999 રૂપિયા કરી દીધી છે. હવે તમને Ola S1 X 2kWh Gen 3 સ્કૂટર અને Roadster X 2.5kWh મોટરસાયકલ માત્ર 49,999 રૂપિયાની શરૂઆતી એક્સ-શોરૂમ કિંમતમાં મળી રહેશે. આ ઉપરાંત, ઓલા ઇલેક્ટ્રિક તેની આખી સ્કૂટર અને બાઈક લાઇનઅપ પર 50,000 રૂપિયા સુધીના ફાયદા આપી રહી છે. જો જોવામાં આવે તો, ઓલાના બાઈક-સ્કૂટર સામાન્ય પેટ્રોલથી ચાલતા વાહનો કરતા લગભગ અડધી કિંમતે મળી રહ્યા છે. જોકે, ખાસ યાદ રાખવા જેવી બાબત એ છે કે આ ઓફર માત્ર 31 માર્ચ 2026 સુધી જ માન્ય છે.
ગ્રાહકોનો વિશ્વાસ ફરી જીતવાનો પ્રયાસ
ઓલા ઇલેક્ટ્રિકના સીએમડી ભાવિશ અગ્રવાલનું કહેવું છે કે બળતણની વધતી કિંમતો યાદ અપાવે છે કે ઉર્જાના ક્ષેત્રમાં આત્મનિર્ભર બનવું એ સમયની મોટી જરૂરિયાત છે. ઉલ્લેખનીય છે કે, દેશની નંબર 1 ઇલેક્ટ્રિક ટુ-વ્હીલર કંપની સાથે છેલ્લા 2 વર્ષમાં જે પણ બન્યું, તેનું મુખ્ય કારણ ગ્રાહકોનો વિશ્વાસ ડગમગવો હતો. આથી હવે ભાવિશ અગ્રવાલની આ ઈવી કંપની ગ્રાહકોનો વિશ્વાસ ફરી જીતવા માટે 'ભરોસાની 3 મોટી ગેરંટી' આપી રહી છે.
ગ્રાહકોને ફ્રીમાં મળશે ઓલા કેબ વાઉચર્સ
ઓલા ઇલેક્ટ્રિક હવે ગ્રાહકો માટે સર્વિસ ટ્રસ્ટ ગેરંટી ઓફર કરી રહી છે. એટલે કે, જો તમારા વાહનની સર્વિસમાં નક્કી કરેલા સમય કરતા વધુ વિલંબ થશે, તો કંપની તમને ફ્રી ઓલા કેબ વાઉચર્સ આપશે, જેથી તમારી મુસાફરીમાં કોઈ અડચણ ન આવે. આ સાથે જ હવે બાયબેક ગેરંટી પણ મળશે, જેમાં કંપની 60 ટકા સુધીની સુનિશ્ચિત બાયબેક વેલ્યુ આપી રહી છે (આનો ફાયદો ત્યારે મળશે જ્યારે તમે ભવિષ્યમાં ઓલાના બીજા પ્રોડક્ટ્સ ખરીદશો). આ બધાની વચ્ચે ઓલાએ પોતાના ઇલેક્ટ્રિક સ્કૂટર અને મોટરસાયકલ પર 8 વર્ષની એક્સટેન્ડેડ વોરંટીની પણ જાહેરાત કરી છે.
